14 jáne 17 jas aralyǵyndaǵy bul jetkinshekter 1920 jyly óndirilgen «Wylde Swan» atty jelkendi kememen alty aptalyq oqý-jattyǵý jasaý úshin osynda kelgen eken. Biraq halyqaralyq karantın saldarynan úılerine qaıta almaı Kýba jaǵalaýynda turyp qalǵan.
Joǵarydaǵy oqý-jattyǵý sharasyn uıymdastyrýshylar aqyry amaly taýsylyp, bulardy jelkendi kememen eline jetkizip salý úshin jolǵa shyqqan. Tájirıbeli 12 teńizshi jetkinshekterdi 3 ustazymen birge kemege otyrǵyzyp, bes aptanyń ishinde Atlant muhıtyn kókteı ótip, 7 myń shaqyrym jol júrip, qart qurlyqtaǵy Portýgalııa portyna tumsyq tirep toqtaǵan eken.
Jelkendi kememen jolǵa shyqqan jolaýshylardyń jol jabdyǵyn Karıb aımaǵyna qarasty Seınt Lıýsı aralynyń turǵyndary daıyndap, uzaq saparǵa attandaryp salǵan.
