Atalǵan naýqas 1972 jyly týǵan Taraz qalasynyń turǵyny. Ol dárigerelerdiń kómegine dene qyzýynyń joǵarylaýy, álsizdik, tamaq aýrýyna qatysty shaǵymdarymen júgingen bolatyn. Zerthanalyq zertteý nátıjeleri boıynsha odan koronavırýs dıagnozy rastaldy. Epıdemıologııalyq tekserý barysynda onymen baılanysta bolǵan 3 tulǵa anyqtalǵan. Keıinnen anyqtalǵandaı, naýqas ınfeksııalyq stasıonarǵa jetkizilip, oshaqtarda epıdemııaǵa qarsy óńdeý is-sharalary júrgizilgen.
27 sáýir kúngi jaǵdaı boıynsha Jambyl oblysy aýmaǵynda koronavırýstyq ınfeksııanyń 105 jaǵdaıy tirkelip otyr. Onyń ishinde Taraz qalasynda 50, Baızaq aýdanynda 4, Jambyl aýdanynda 4, Qordaı aýdanynda 34, Merki aýdanynda 2, Moıynqum jáne Shý aýdandarynda bir-bireýden anyqtalǵan. Sondaı-aq, «Delı-Taraz» reısinen 6 oqıǵa, Atyraý oblysyndaǵy teńizdegi vahtalyq kentinen kelgen qyzmetkerler arasynda 3 oqıǵa anyqtaldy. Jalpy, búginde dert juqtyrǵandardyń 43-i emdelip, dárigerlerdiń baqylaýyndaǵy úı karantınine shyǵarylǵan.
Jambyl oblysy
