ELDIŃ BERIK DIŃGEGI

Joldaýdyń ǵylymǵa qatysty bóligi, atap aıtqanda Astanadan ashylatyn jańa halyqaralyq ýnı­versıtet janynan 3 ǵylymı orta­lyq, sonymen qatar ǵylymǵa ar­nalǵan qor, ıntellektýaldy mek­tep­ter ashý máselesi jas ǵalym­dar­dy jigerlendirdi. Atal­ǵan zert­hanalarda jastar HHI ǵasyrdyń jańa on jyldyǵynda teńdessiz ǵylymı-ınnovasııalyq ashylýlar jasaıtyndyǵyna se­nim mol. Qa­zirgi tańda mem­lekettik bilim júıe­si eýropalyq standart ne­gizinde úsh satyly bilim berý úrdisine jemisti qadam basyp, ba­kalavr – magıstratýra – Ph.D doktorantýra arqyly izdenimpaz jas ǵalymdar álemniń eń úzdik joǵary oqý oryndary men ha­lyqaralyq zertteý orta­lyqtaryn­da ǵylymmen aına­ly­sýǵa múmkin­dik aldy. Osyndaı Ph.D dok­to­rantýrasynyń orta­ly­ǵy sanala­tyn ál-Farabı atyn­daǵy Qazaq ulttyq ýnı­ver­sıteti halyqaralyq dárejedegi úzdik ýnıversıtetter qatarynan sanalatyn Ulybrıta­nııa­daǵy Mıd­dlsek ýnıversıteti, Dandı­diń shotlandyq ýnıver­sı­teti, Ulybrıtanııadaǵy Nıýkastl ınformatıka zerthanasy, Germa­nııa­daǵy Braýnshvaıg jylý teh­nıkasy men janý zattary ınstı­týty, Geıdelberg ýnıversıteti, Shyǵys Eýropa quqyq ınstı­týty, Ispanııadaǵy Valensııa polı­tehnıkalyq ýnıversıteti, Fran­sııadaǵy gaz jáne plazma fı­zı­ka­sy zerthanasy, Túr­kııanyń Hod­jat­tep ýnıversıteti, AQSh-tyń Galveston qalasynda ornalasqan  Tehas ýnıversıteti, Pıt­tsbýrg ýnı­­ver­sıteti, Vashıng­ton qala­syn­daǵy Amerıka ýnı­versıteti, Nıý-Iork qalasyn­daǵy Kolým­bııa ýnıversıtet­teri­men, t.b. ǵylymı-ınnovasııalyq labora­to­rııa­larmen álemdik ha­lyqaralyq ǵylymı baılanystar ornatsa, sonyń ná­tıjesinde halyqaralyq deńgeıde doktorlyq qorǵaǵan jańa zaman ǵalymdary qatarynda men de barmyn 2008-2009 oqý jylynda Ph.D dok­tor­lyq baǵdarlamasymen Túrkııa­nyń Mımar Sınan atyn­daǵy kór­kemóner jáne mádenıet ýnı­versıtetiniń doktoranty atan­dym. Is-saparǵa attanar aldynda ǵalym B.Kómekovke jolyǵyp, jańalyǵymmen bólisken sátimde, ol kisi óziniń keńestik kezeńde Ystambuldaǵy kitaphanaǵa barýǵa bir­neshe márte suranǵandyǵyn, alaıda ortalyq ótinishti qabyl al­maǵanyn ókinishpen aıtty. Búgingi ǵylymǵa bet burǵan jas­tarǵa on­daı tosqaýyl joq. Jol ashyq. Mem­leket Ph.D doktorlyq baǵ­dar­lamaǵa qomaqty qarajat bólip otyr. Shet elge shyǵý, ki­tap­hanaǵa barý, ın­ternetti qol­daný, kitap satyp alý qaraja­tyna deıin Úki­met kóteredi. Bul Elbasymyzdyń ǵy­lym­ǵa salyp jatqan zor ınves­tı­sııasy. Bıylǵy Joldaýdaǵy ǵy­lym máseleleri meniń erteńgi kúngi senimimdi asqaqtatty. Elba­synyń bilim salasyndaǵy salı­qaly reformalarynyń arqasyn­da Táýelsiz elimiz halyqaralyq bilim ıntegrasııasyna aıaq basyp, ná­tıjesinde san myńdaǵan da­ryndy jastar ǵylym men bi­limde tanym kókjıegin keńeı­týde. О́tken onjyldyqqa kóz tigip, baǵa berer bolsaq, elimizdiń damýy Elbasymyz Nursultan Ábishuly­nyń esimimen tyǵyz baılanysty ekeni anyq. Iá, Elbasynyń ma­ńyz­dy sheshimderi, ornyqty re­formalary, kemeldi jobalary kóne túrkilerdiń ata jurty – Qazaqstandy álemniń tórtkúl dúnıesine tanytyp keledi. Olaı bolsa, jańa Joldaý tabysty, al jańa onjyldyqqa attaǵan Qazaq­stan­nyń qadamy myqty bolary sózsiz. Juldyz SÚLEIMENOVA, Ál-Farabı atyndaǵy QazUÝ-diń fılosofııa jáne saıasattaný fakýltetiniń Ph.D doktoranty.