– Elimizde, álemde bolyp jatqan jaǵdaıda, azamattarymyzdyń «zeınetaqy jınaqtarymyz azaıyp kete me?» degen syndy saýaldaryna jıi jaýap berýge týra kelip otyr. Alańdaýǵa negiz joq. Zeınetaqy jınaqtary turaqty, ári oń ınvestısııalyq tabystylyqqa ıe.
2020 jyldyń birinshi toqsanynda ınvestısııalyq tabys 661,7 mlrd teńge boldy. 2020 jyldyń 1 sáýirine zeınetaqy aktıvteri 11,7 trln teńgeni qurap, 8%-ǵa ósti.
Jalpy 2013 jyldań bastap osy kúnge deıin Ulttyq Bankqamtamasyz etken ınvestısııalyq tabys 30%-dan (nemese 3,9 trln teńgeden) asty.
Zeınetaqy jınaqtaryna esepteletin taza ınvestısııalyq tabys turaqty túrde ósýde.
2019 jyldyń sáýirinen 2020 jyldyń naýryzyna deıingi sońǵy 12 aıdaǵy zeınetaqy aktıvteriniń tabystylyǵy 11,87% qurady. Al ınflıasııa 6,4% boldy. Osylaısha tabystylyq ınflıasııadan 5,5%-ǵa asyp tústi, – dedi Basqarma tóraǵasy.
«Biryńǵaı jınaqtaýshy zeınetaqy qory» AQ Basqarma tóraǵasy Janat Qurmanovtyń negizgi saýaldarǵa tómendegideı jaýap berdi:
– 2020 jyldyń naýryz jáne sáýir aılarynda ınvestısııalyq tabys nelikten kúrt ózgerdi?
– Zeınetaqy jınaqtary túrli valıýtalardaǵy qarjy quraldaryna salynady. Investısııanyń 2/3 bóligi teńgemen jáne 1/3 bóligi shetel valıýtasymen ınvestısııalanady.
О́zderińizge belgili, naýryz aıynda AQSh dollary 381-den 448 teńgege deıin qymbattady. Tıisinshe, valıýta quraldaryna ornalastyrylǵan zeınetaqy aktıvteriniń quny 541,9 mlrd teńgege ósti.
Al sáýir aıynyń birinshi jartysynda, AQSh dollaryn baǵamy 448 teńgeden 425 teńgege deıin tómendedi. Valıýtalyq quraldarǵa ornalastyrylǵan zeınetaqy aktıvteri 179,7 mlrd teńgege tómendedi.
Endi sáýir aıynyń ekinshi jartysynda, ınvestısııalyq tabys 63,4 mlrd teńgege qaıtadan kóbeıdi.
Jalpy zeınetaqy aktıvteri uzaq merzimge ınvestısııalanady. Halyqaralyq tájirıbede ınvestısııalyq tabystylyq keminde bir jyl kezeńmen baǵalanady.
Sondyqtan salymshylarǵa naýryz jáne sáýir aılaryndaǵy tabystylyqtyń birde kóbeıip, birde tómendegen jaǵdaıyna alańdaýǵa qajet joq.
– Ulttyq Bank ınvestısııalyq tabystylyq turaqtylyǵyn qalaı qamtamasyz etedi?
– Qazaqstannyń Ulttyq Banki Biryńǵaı jınaqtaýshyzeınetaqy qorynyń aktıvterin senimdi basqarýshy retinde Qazaqstandajáne shetelde túrli ekonomıkanyń sektorlaryna, ártúrli valıýtaǵa,túrli qarjyquraldaryna ınvestısııa jasaıdy. Bul jınaqtarynyń saqtalýyn jáne turaqty tabystylyǵyn qamtamasyz etedi.
– Salymshylarǵa óz jınaqtarynyń ınflıasııadan qorǵalýyna qatysty alańdaýlary qajet pe?
– Alańdaýǵa esh negiz joq. О́ıtkeni, Zańǵa sáıkes memleket azamattarǵa olardyń zeınetaqy jınaqtarynyń ınflıasııadan qorǵalýyna kepildik beredi.
Bir sózben aıtqanda, salymshy zeınetke shyqqan kezde, zeınetaqy jınaqtary azaıyp qalsa, memleket ony ótep beredi. Biraq bul shara jınaqtalǵan ınflıasııa barlyq jyldarynda alynǵan tabystan asyp ketken jaǵdaıda ǵana júzege asyrylady.
