Keshe jańadan 10, búgin taǵy da 90 adamnyń KVI juqtyrǵany anyqtaldy.
Olardyń barlyǵy vırýs juqtyrǵan naýqastarmen baılanysta bolǵandar.
Jańa naýqastarmen baılanysta bolǵan barlyq adamdar provızorlyq gospıtaldarǵa karantınge ornalastyryldy.
Juqpaly aýrýlar stasıonarlarynda 1103 adam emdelýde.
Eki adamnyń jaǵdaıy – óte aýyr, 26 adamda – aýyr, 218-i ortasha aýyr jáne qalǵandarynda – qanaǵattanarlyq.
Provızorlyq gospıtaldarda – 355, karantındik oqshaýlaýda – 378, úıde karantınde 11846 adam bar.
Keshe Almatyda koronavırýstyq ınfeksııadan saýyǵyp, taǵy 12 adam emdeýden shyǵaryldy.
Onyń ishinde 7-i Ortalyq qalalyq klınıkalyq juqpaly aýrýlar aýrýhanasynyń medısına qyzmetkeri, 2-i Balalar qalalyq klınıkalyq aýrýhanasynyń qyzmetkeri, 1-i medısınalyq jedel járdem stansııasynyń qyzmetkeri, 1-i N32 qalalyq emhananyń qyzmetkeri jáne bireýi vırýs juqtyrǵan naýqaspen baılanysta bolǵan áıel.
Olardyń emdelýi ortasha eseppen 17-23 kúnge sozyldy.
