Osylaısha, kásiporyndardy iske qosýdyń úshinshi kezeńi aıasynda bıylǵy jyldyń 4 mamyrynan bastap qosymsha shashtarazdar (aldyn-ala jazylý boıynsha), fotosalondar men gúl dúńgirshekteri, jyljymaıtyn múlikpen qyzmet kórsetetin kompanııalary, aıyrbastaý pýnktteri jumysyn qaıta bastaıdy.
Qyzmet kórsetý salasy boıynsha aıaq kıim jóndeý, hımııalyq tazalaý, baspa isi boıynsha nysandardyń jumysyn iske qosýǵa ruqsat etilgen.
Sondaı-aq, jumys kestesi saǵat 17:00-ge deıin, alańy 500 sharshy metrge deıin jeke turǵan azyq-túliktik emes (SO, SOO jáne SÚ tys) dúkenderdiń qyzmetine ruqsat berildi.
Jalpy, qyzmet kórsetýge ruqsat etilgen osy salalardyń barlyq kásiporyndaryna Almaty qalasynyń Bas memlekettik sanıtarlyq dárigeriniń «3-shi kezeńniń jekelegen salalarynyń nysandary qyzmetine shekteýlerdi alyp tastaý tártibi týraly» qaýlysynda jazylǵan sanıtarlyq-epıdemıologııalyq normalardy mindetti túrde saqtaý talaptary taratylatyn bolady.
Shekteýdi alyp tastaý josparlanyp otyrǵan birqatar salalar nysandary algorıtmdi oryndaǵan jaǵdaıda tıisti salalar uıymdarynyń qyzmetin jalǵastyrýǵa ruqsat etiledi.
Algorıtm kelesi qadamdyq áreketterdi qamtıdy:
1. Almaty qalasy Bas memlekettik sanıtarlyq dárigeriniń «3-kezeńniń jekelegen salalarynyń nysandary qyzmetine shekteý qoıý tártibi týraly» qaýlysymen (budan ári - qaýly) tanysý;
2. Qaýlynyń talaptaryna sáıkes nysandardy daıyndaý;
3. Daıyndaý prosesi aıaqtalǵannan keıin - infoalmaty.kz saıtynda tirkelip, nysannyń qaýly talaptaryna sáıkes daıyndalǵanyn rastap, elektrondyq sıfrlyq qoltańbamen habarlamaǵa qol qoıý arqyly kásiporyndarda normalardyń saqtalýyna kepildik beredi.
Almaty qalasy taýarlar men qyzmetterdiń sapasy men qaýipsizdigin baqylaý departamenti nysandy tekserý kezinde durys emes aqparat usynǵan jáne qaýlyda jazylǵan talaptardy saqtamaǵan jaǵdaıda nysannyń qyzmetin toqtatýǵa deıin ákimshilik sharalar qabyldaıtyn bolady.
О́tinimderdi qabyldaý bıylǵy 3 mamyr kúni saǵat 09.00-den bastalady. Nysandy iske qosý tek qaýly talaptaryna sáıkes nysan daıyndalǵan jáne infoalmaty.kz saıtynda tirkeýden ótken jaǵdaıda ǵana iske asady.
Atalǵan nysandardy ashý aıasynda jumyspen qamtylǵandar sany 41,4 myń adamǵa deıin artady dep kútilýde.
