A.Aımaǵambetovtyń aıtýynsha, sońǵy jyldary jas mamandardyń ǵylymǵa bet burýy kóńilge senim uıalatady. Qazirgi ǵylymı qyzmetkerlerdiń 34%-yn 35 jasqa deıingi jastar quraıdy.
– Iá, ǵalymdarymyzdyń qatary kóbeıgenimen, olardyń jobalaryn júzege asyryp, óndiriske engizýde kedergilerge kezigedi. Onyń basty sebebi ári ǵylym salasyndaǵy negizgi máselelerdiń biri – ǵylymı qyzmettiń az qarjylandyrylýy. 2018 jyly barlyq qarjylandyrý kózderinen ǵylymı zertteýlerge bólingen shyǵystar kólemi Qazaqstanda IJО́-niń 0,12%-yn qurasa, dál osyndaı kórsetkish Armenııada (0,3%), Ýkraınada (0,5%), Belarýsta (0,6%), Reseıde (1,2%), EYDU elderinde (4%), Ońtústik Koreıada (5%)-dy qurady.
Sońǵy ótkizilgen granttyq jobalar konkýrsyna ǵalymdardan 5 myń ótinim túskenimen, qarjylandyrýdyń jetkiliksiz bolýyna baılanysty 4 myń joba keri qaıtaryldy. Qarjylandyrýǵa ilikken jobalardyń bıýdjeti de birshama qysqartyldy, bul jobalardyń sapasy men nátıjesine áser etpeı qoımaıdy, – dedi mınıstr.
