Is-shara barysynda ol qaı sanattaǵy adamdardyń kommýnaldyq qyzmet aqysyn memleket tóleıtinin aıtty.
«Prezıdent karantın engizilgen eldi meken turǵyndary úshin kommýnaldyq tólemderdi tómendetý týraly tapsyrmasyn oryndaý maqsatynda Indýstrııa jáne ınfraqurylymdyq damý mınıstriniń buıryǵymen kommýnaldyq qyzmetterdi jetkizýshilerdiń shyǵyndaryn óteý qaǵıdalary bekitildi. Mynadaı sanattarǵa kómek kórsetiledi: I, II jáne III top múgedekteri, múgedek bala tárbıelep otyrǵan otbasylar, kóp balaly otbasylar, Uly Otan soǵysy qatysýshylary jáne olarǵa teńestirilgen adamdar, eń tómengi zeınetaqy alatyn zeınetkerler jáne ataýly áleýmettik kómek alatyn azamattar. Shyǵyndardy óteý boıynsha aıtar bolsaq, sáýir jáne mamyr aılaryna ár aıǵa 15 myń teńgeden tólenedi. Tólemder tek ákimdikke berilgen ótinish negizinde júzege asyrylady», deıdi Qurylys jəne turǵyn úı̆-kommýnaldyq sharýashylyq isteri komıteti tóraǵasynyń orynbasary Beı̆bit Shahanov.
Onyń sózinshe, joǵarydaǵy topqa jatatyn azamattar aqparattyq júıe nemese sall-ortalyq arqyly ótinim berýi kerek.
«JSN, áleýmettik mártebe jáne jeke esepshotty aýyzsha aıtsańyz jetkilikti. Bizge óz betimen ótinim berý qıynǵa soǵatynyn aıtyp habarlasatyndar bar. Mundaı jaǵdaıda onyń atynan ótinimdi jaqyndary bere alady. Sol adamnyń jaqyny ekenin dáleldeıtin qujat talap etilmeıdi. О́tinimdi qabyldaǵan ákimder málimetterdi tekseredi. Maquldanǵan jaǵdaıda esepshotqa aı saıyn 15 myń teńge túsedi. Ákimdik ótinimderdi qabyldaı bastady. 15 myń teńge alýǵa bolatyny rastalǵan adamdar eki aı úshin 30 myń teńge alady. Ákimdikter ótinim berýge arnalǵan resýrstardy qurý boıynsha belsendi jumys júrgizýde. Búgingi tańda ákimdikter túsindirý jumystaryn belsendi júrgizip jatyr», dedi ol.
Sonymen qatar ol kommýnaldyq qyzmetter úshin tóleıtin qyzmetaqy 30 myńnan az bolsa, artylǵan aqsha kelesi aıdyń kommýnaldyq qyzmetterine tólenetinin aıtty.
«Kómek qaǵıdada kórsetilgen sanattarǵa jatatyn, kommýnaldyq qyzmet kórsetýshilermen óz atynan kelisimshart jasaǵan jáne karantın engizilgen eldi mekende turatyn adamdardyń barlyǵyna kórsetiledi. Múgedek bala tárbıelep otyrǵan jáne kóp balaly otbasylar, memlekettik jáne qoǵamdyq qyzmetin, áskerı boryshyn ótep júrgen kezde qaza tapqan adamdardyń otbasy músheleriniń biriniń qyzmet kórsetýshilermen sharty bolýy tıis. Jáne de kommýnaldyq qyzmetter úshin tóleıtin qyzmetaqy 30 myńnan az bolsa, artylǵan aqsha kelesi aıdyń kommýnaldyq qyzmetterine tólenedi», dedi B.Shahanov.
Sóz sońynda B.Shahanov aldyn ala boljam boıynsha, 1 600 myń adam kommýnaldyq qyzmetterdi tóleýge kómek alatynyn aıtty.
