Eńbek jáne halyqty áleýmettik qorǵaý mınıstri B. Nurymbetov, Almaty oblysynyń ákimi A. Batalov, Túrkistan oblysynyń ákimi О́. Shókeev, Qaraǵandy oblysynyń ákimi J. Qasymbek, Jambyl oblysynyń ákimi B. Saparbaev baıandama jasady.
Jumyspen qamtýdyń jol kartasy aıasynda 6,5 myńnan asa ınfraqurylymdyq jobany iske asyrý kózdelgen, olar áleýmettik obektilerdi, ınjenerlik-kólik ınfraqurylymyn, sýarý jáne ırrıgasııalyq júıelerdi, turǵyn úı-kommýnaldyq obektilerin jóndeý men salýǵa, eldi mekenderdi abattandyrýǵa qatysty. Osynyń arqasynda 255 myń jumys orny qurylady.
Jalpy, barlyq memlekettik baǵdarlamalardy iske asyrý aıasynda 1 mln 220 myń adamdy jumyspen qamtý josparlanǵan, onyń ishinde 235 myń turaqty jumys orny qurylady.
Premer-Mınıstr Úkimet úshin búgingi tańda basty basymdyq turǵyndardyń jumysyn saqtaý ekenin atap ótti. Bul rette jumyspen qamtý jáne halyqtyń ekonomıkalyq belsendiligin saqtaýmen qatar, ınfraqurylymdy jaqsartý el ekonomıkasyn qalpyna keltirýde jaqsy nátıje beredi.
Úkimet basshysy Shyǵys Qazaqstan, Almaty, Jambyl, Qaraǵandy, Túrkistan jáne Pavlodar oblystarynda jobalardy iske qosýdy bastaý qarqyny jaqsy ekenin atap ótti. Qyzylorda oblysy, Almaty jáne Shymkent qalalary artta qalyp keledi.
«О́ńirlerdiń ákimdikterine ınfraqurylymdyq jobalardy tolyq iske asyrýdy bastaýdy, onyń ishinde otandyq taýarlar, jumystar men qyzmetterdiń negizgi kóleminiń otandyq bolýyn tapsyramyn. Barlyq bólingen qarajat ekonomıkaǵa jumys isteýi tıis», - dedi A. Mamın.
Úkimet basshysy barlyq memlekettik organdarǵa jumyspen qamtý boıynsha josparlanǵan kórsetkishterge qol jetkizýdi qamtamasyz etýdi, al Eńbek mınıstrligine Jumyspen qamtýdyń jol kartasynyń, sondaı-aq turaqty jumys oryndaryn qurý jáne halyqty jumysqa ornalastyrý turǵysynan basqa da memlekettik baǵdarlamalardyń iske asyrylý barysyna kún saıyn monıtorıng júrgizýdi tapsyrdy.
