«Aýdanda qoǵamdyq tártipti saqtaý jáne sý basqan turǵyn úılerdiń múlkin qorǵaý úshin 8 blokpýnkt ornatylyp, polısııa departamentiniń jeke quramynan 303 qyzmetker, 53 kólik jumyldyryldy», - dedi О́mirzaq Shókeev.
Sondaı-aq ol eldi mekenderdi sý basýynyń aldyn alý úshin bógetter salynǵanyn aıtyp ótti.
«Eldi mekenderdi sý basýynyń aldyn alý úshin Nurly jol, О́rgebas, Yrysty, Jantaqsaı eldi mekenderinde bógetter salynyp, Myrzakent baǵytynda Fırdoýsı eldi mekeni aýmaǵynda kollektr ornatyldy. Munan bólek, Maqtaaral aýdanynyń aýmaǵynan aǵyn sýdy tez arada shyǵarý maqsatynda О́zbekstan Respýblıkasy tarapynan Jetisaı aýdany Qoǵaly eldi mekeniniń mańynan Ortalyq Betpaqdala kollektory arqyly avtojol kópirin aınalyp ótetin kanal qazyldy», - dedi О́mirzaq Shókeev.
