Karantın kezindegi Elorda bilim berý uıymdarynyń qashyqtan oqytý máseleleri boıynsha baıandama jasaǵan Sh.Qadyrova:
– 16 naýryzdan bastap qalanyń barlyq kolledjderi Qashyqtyqtan oqytýǵa kóshti.
Qazirgi ýaqytta kolledjder AAJ "Platonus", Google Classroom, Edupage platformalarynda jumys isteıdi. Oqý prosesi belgilengen oqý júktemesine, oqý jumys josparyna, oqý baǵdarlamalaryna, sabaq kestesine sáıkes júzege asyrylady.
Bilim alýshylarǵa memlekettik stıpendııa aı saıyn tólenýde jáne tólem kartochkalaryna tamaqtaný úshin aqsha aýdarylyp otyr. 22661 stýdenttiń basqa qalada turatyn 9172 (40,5%) stýdentter turǵylyqty jerine jiberildi. Búgingi tańda kolledjderdiń jataqhanasynda jetim jáne ata-anasynyń qaraýynsyz qalǵan 50 stýdent qalyp, oqýlaryn jalǵastyrýda. Basqarma tarapynan ol balalarǵa áleýmettik kómek kórsetilýde.
Oqý quny mamandyq túrine baılanysty jylyna 80-nan 320 myń teńgeni quraıdy. Oqý aqysyn tóleı almaıtyn stýdentterdiń jalpy sany 1015 adamdy qurady. Búgingi tańda kolledj ákimshiligine ótinish bildirgen barlyq stýdentterge oqý aqysyn tóleý merzimi aǵymdaǵy jyldyń tamyz aıyna deıin uzartyldy, – dedi.
