«Qazir Nur Oran Maqtaaral aýdanyna 40 tonna azyq-túlik jóneltedi. Nur-Sultan qalasynan shyqqaly turmyz. Onda júzden astam adam jumys isteıtin eriktiler shtaby quryldy. Sý tartylǵan kezde búkil eriktiler shtabyn jumyldyramyz», – deıdi E.Beısenbaev.
Jas Otan jastar qanaty jetekshisiniń aıtýynsha, koronavırýs pandemııasymen kúreste eriktiler týyndaǵan máselelerdi sheshýde ózderiniń uıymshyldyǵy men birligin kórsetýde. 19 naýryzdan bastap Elbasy – Nur Otan partııasynyń tóraǵasy Nursultan Nazarbaevtyń tapsyrmasy boıynsha «Biz birgemiz» jalpyulttyq aksııasy bastaldy. Onyń aıasynda jasotandyqtar 110 myńnan astam otbasyn azyq-túlik sebetterimen, sondaı-aq gıgıena quraldarymen qamtamasyz etti.
«Almaty, Nur-Sultan jáne Shymkent qalalarynda 5 mln-nan astam maska taratyldy. Qazaqstan boıynsha kún saıyn 3 myńnan astam jalǵyz basty zeınetkerler ystyq tamaq aldy. Bul jumystyń barlyǵy eriktilermen atqarylýda. Búginde Jas Otan qatarynda 3 myńnan astam erikti bar, olar búkil Qazaqstan boıynsha jumys isteıdi», – deıdi E.Beısenbaev.
Eske salsaq, jarııalanǵan naýqan aıasynda «Bipgemiz» qory qurylyp, ol arqyly 360 myń otbasyna 50 myń teńgeden bir rettik kómek kórsetilgen bolatyn.
