«Biz eriktilerdiń jedel shtaby quramynda jumys isteıtindikten, halyqtyń senim telefonyna qońyraý shalyp, kómek surap jatqanyn bilemiz. Qoldaý kórsetý úshin qoldan kelgenniń bárin jasaýdamyz. Alaıda, keıde bizge júregi jomart jandar qońyraý shalyp, kómektesýge daıyn ekenin bildiredi. Mysaly, CCI Kazakhstan qyzmetkerleri, dálirek aıtsaq kompanııanyń eriktiler klýbynyń músheleri bizben habarlasyp, UOS ardagerlerine azyq-túlik sebeterin jınap, jetkizýde óz kómegin usynǵan kezde biz qýanyp qaldyq. Bul memleket pen iri bıznes ókilderiniń qoǵam múddesi úshin birlese kúsh salýǵa daıyn ekendiginiń mysaly», – dedi Almaty qalasynyń Memlekettik jastar saıasatyn damytý qorynyń jetekshisi Alma Aýǵanbaeva.
«Bıznesti júrgize otyryp, biz seriktesterimiz ben tutynýshylarymyz úshin, Qazaqstan qoǵamy men kompanııada jumys isteıtin adamdar úshin qundylyqtar qurý qaǵıdatyna negizdelemiz. О́z qyzmetkerlerimiz ben olardyń bastamalaryn qoldaý – CCI Kazakhstan-nyń negizgi bıznes-strategııasynyń biri. Bizdiń áriptesterimiz ardagerlerge kómektesýge nıet bildirip, basshylyqtyń qoldaýymen «Jasyl el» jastar eńbek jasaqtarynyń baǵdarlamasyna qatysqany úshin biz óte qýanyshtymyz. Biz árqashan da óz qyzmetkerlerimizdiń osyndaı bastamasyn qoldaýǵa umtylamyz», – dedi CCI Kazakhstan Korporatıvtik jáne retteý qatynastary jónindegi dırektory Álıma Isembaeva.
«Jasyl El» jastar eńbek jasaqtarynyń bastamalary men is-sharalary Almaty qalasy ákimdiginiń Qoǵamdyq damý departamentiniń jáne seriktesterdiń qoldaýymen júzege asyrylady. Alma Qurmanqyzynyń aıtýynsha, tótenshe jáne karantındik sharalardyń engizilýine baılanysty bıylǵy maýsymnyń bastalýy nomınaldy túrde júrgizildi, ıaǵnı joba qatysýshylary dástúrli jıyn jáne sapqa turý rásimin ótkizgen joq. Qazir alǵashqy eńbek jasaǵy jumysyn bastap ketti. Ári qaraı, karantın alynǵan saıyn, uıym óz jumysyn belsendi túrde jalǵastyratyn bolady: ekologııalyq aksııalar ótkizedi, turǵyndardy tabıǵatty qorǵaý týraly habardar etedi, aýlalardy abattandyrady jáne t.b. «Jasyl El» jasaqtary kommýnaldyq qyzmet emes, olar tabıǵat pen qorshaǵan ortany qorǵaýǵa jáne saqtaýǵa umtylǵan eriktiler.
Qor osyndaı is-sharalardy jyl saıyn ishki keste boıynsha ótkizedi. Ardagerlerge kómek kórsetiledi, muqtaj jandarǵa, atap aıtqanda tósek tartyp jatqan adamdarǵa ataýly kómek beriledi, olardyń úıleri men aýlalary tazartylady. Sondaı-aq, «Jasyl Elden» basqa «Patrıot» áleýmettik modýli ázirlengen. Onyń aıasynda ardagerlerge turmystyń kómek kórsetilip qana qoımaı, olarǵa áleýmettik qarym-qatynas aıasynda qoldaý kórsetiledi.
