«Prezıdent tapsyrmasyn oryndaý maqsatynda Úkimet qaýlysymen «Jumyspen qamtý jol kartasy» qabyldanǵany belgili. Búginde Almaty qalasynda Jumyspen qamtý jol kartasy aıasynda 214 ınfraqurylymdyq jobany iske asyrý josparlanyp otyr. Qazirgi tańda konkýrstyń prosedýralar júrip jatyr. Onyń ishinde kelesi jumys túrleri men nysandar boıynsha, ıaǵnı, áleýmettik-mádenı nysandardy kúrdeli jáne aǵymdaǵy jóndeý, qaıta jańartý; turǵyn-úı kommýnaldyq-sharýashylyq nysandaryn kúrdeli, ortasha jáne aǵymdaǵy jóndeý, qaıta jańartý; ınjenerlik kólik ınfraqurylymyn kúrdeli, ortasha jáne aǵymdaǵy jóndeý jáne qaıta jańartý, sondaı-aq, eldi mekenderdi abattandyrý sııaqty jobalarǵa joldanatyn bolady» – dedi D.Álkebaıuly.
Spıkerdiń aıtýynsha, ınfraqurylymdyq jobalardy iske asyrý barysynda jumyssyz jastardy qamtýǵa basymdyq berilmek, ıaǵnı Jumyspen qamtý ortalyqtary arqyly jaldamaly jumysshylardyń keminde 50%-y jastar bolatyn 26 myń jańa jumys ornyn qurý josparlanǵan. Jumyspen qamtýdyń jol kartasy aıaqtalǵannan keıin jańa nysandar salý arqyly 2045 turaqty jumys orny qurylady.
Jumyspen qamtýdyń jol kartasyn júzege asyrý nátıjesinde 47 jańa nysan, onyń ishinde 31 áleýmettik nysan salynady.
Spıker sondaı-aq, ótinish berý úshin (ótinish berýshiler men jumys berýshilerge) Jumyspen qamtý ortalyǵynyń saıty (cz-almaty.kz) jumys isteıtinin, onda qabyldanǵan sharalar týraly tolyq aqparat bar ekenin, tipti, ótinish berýge arnalǵan silteme de kórsetilgenin aıtyp ótti.
Jol kartasy aıasynda jumysqa ornalasýǵa járdemdesý úshin 6408 adamnan túıindeme qabyldandy, onyń ishinde 708 adam – qurylys alańdarynda jumys isteýge ótinish bergen.
Barlyǵy 12 joba tirkeldi, 468 jumys orny ashyldy, tirkelgen jumyssyzdardyń ishinde 38 adam jumysqa ornalastyryldy.
