Jedel medısınalyq kómek aýrýhanasyna marqum aýyr hálde kelip túsken. Provızorlyq gospıtalda tekserilip, COVID-19-ke muryn jutqynshaǵynan alynǵan PTR nátıje bergennen keıin, ınfeksııalyq stasıonarǵa aýystyrylady.
Infeksııalyq stasıonarda COVID-19 juqtyrǵany da anyqtalyp, emdeý hattamasyna sáıkes qarqyndy terapııa júrgizilgen. Barlyq emdik sharalary kórsetilgenine qaramastan, densaýlyǵy jyldam nasharlap, ókpeni jasandy jeldetý apparatyna qosylǵan. Sozylmaly júrek jáne búırek jetkiliksizdiginen indeti tez asqynyp, sońy qaıǵyly jaǵdaıǵa ulasty.
Marqumnyń kóz jumýyna koronavırýstyq ınfeksııa sebep bolǵany týraly sheshimdi quramyna beıindi mamandar, onyń ishinde pýlmonologtar kiretin arnaýly zertteý komıssııasy qabyldaǵan.
Qazir Almatyda Covid-19 dıagnozy qoıylǵan 1156 pasıent emdelip jatyr.
Búgin Almatyda 17 adam koronavırýstyq ınfeksııadan saýyǵyp, emdelip shyqty. Olardyń ishinde Ortalyq qalalyq klınıkalyq aýrýhananyń 8 medısına qyzmetkeri, Balalar qalalyq juqpaly aýrýlar aýrýhanasynyń 2 qyzmetkeri jáne 7-ýi vırýs juqtyrǵan naýqaspen baılanysta bolǵan adamdar.
ALMATY
