Agenttiktiń habarlaýynsha, JýsanBank kapıtal men ótimdiliktiń aıtarlyqtaı qoryn jınaqtady, bul oǵan COVID-19 pandemııasynyń jáne munaı baǵasynyń quldyraýynyń saldarynan ekonomıkalyq ósý qarqynynyń baıaýlaýy men operasııalyq ortanyń tómendeýiniń áserine tótep berýge múmkindik berýi kerek.
S&P atap ótkendeı, JýsanBank-tiń jańa basqarý komandasy ótken kezeńderde qalyptasqan problemalyq aktıvterdiń sapasyn qalpyna keltirýde jáne táýekeldiktiń tómengi deńgeıin ustap turýda aıtarlyqtaı tabystarǵa jetti.
«JýsanBank reıtıngisin qazirgi jaǵdaıda joǵarylaýy – bul aıtarlyqtaı oqıǵa jáne banktiń turaqtylyǵy men senimdiligin rastaıdy. Menshikti kapıtal koeffısıentteriniń jetkiliktiligi naryqtaǵy eń joǵary kórsetkishterdiń biri bolyp tabylady. Bul úlken jetistik», – dedi JýsanBank Basqarmasynyń tóraǵasy Aıbek Qaıyp agenttiktiń sheshimine qatysty.
S&P banktiń táýekeldikterdi azaıtýǵa baǵyttalǵan strategııasynyń arqasynda ótimdiliktiń edáýir qoryn saqtaıtyndyǵyn basa aıtady. Sonymen qatar, bank depozıttik bazany qalpyna keltire aldy: 2019 jyly jáne 2020 jyldyń basynda klıentter salymdarynyń birtindep ósýi baıqaldy.
«Turaqty» boljam agenttiktiń aǵymdaǵy kapıtal mólsheri, ótimdiliktiń edáýir qory jáne táýekeldiktiń tómengi deńgeıin ustap turý strategııasy aldaǵy 12-18 aıda banktiń aǵymdaǵy kredıttik táýekeldik profılin qoldaıdy degen pikirin kórsetedi.
Bank 2019 qarjy jylyn 34 mlrd teńge taza paıdamen aıaqtady.
