Estafetany oqý ornyndaǵy orys tili kafedrasynyń muǵalimderi bastapty. Bólme terezesin jeńis taqyrybyna saı bezendirý arqyly karantınde ýaqytty ótkizip, otbasy múshelerine ekinshidúnıejúzilik soǵysta beıbit kún úshin janyn qıǵan maıdangerlerdi bir ýaqyt eske alý múmkindigi ekenin aıtady.
-Men úıimniń terezeleriniń áınekterin jýyp tazalaǵan edim. Keıin nege merekege oraı bezendirmeske degen ıdeıa keldi. Qolda bar materıaldan «Jeńiske 75-jyl» dep jazyp, áınekterge jabystyrdym. Qaǵazdardy qııý barysynda kishkentaı jıenim ne sebepti osylaı jazyp jatqanym týraly surady. Sodan soń 1941-45 jyldardaǵy soǵys, batyrlarymyz ben maıdanger qarııalarymyz jaıly aıtyp, tarıhı derektermen bólistim. Bul onyń sanasynda uzaq saqtalatyndyǵyna senimim kámil, deıdi orys tili pániniń muǵalimi Azıma Sýıýnalıeva.
Bul chellendjdi ózge de pán kafedralary, oqýshylar ilip áketipti. Qazirdiń ózinde Aqtaýdaǵy jıyrmadan astam úıde mundaı kartınalar bar.
-О́z terezemizdi bezendirip bolǵan soń kórshilerimizdiń, kóshede ótip bara jatqan adamdardyń pozıtıvti reaksııasyn baıqadyq. Kóbi kreatıvti eken dep jymııady. Al biz óz balalarymyzǵa soǵystyń zardaby men beıbit ómirdiń mańyzdylyǵyn túsindirgenimizge qýanamyz, deıdi óner páni birlestiginiń muǵalimderi.
