Departament basshylyǵynyń bastamasymen erekshe balalarǵa arnalǵan shaǵyn merekelik shara uıymdastyryldy.
Balalar qonaqtarǵa arnap ánder shyrqap, qyzyqty oqıǵalarymen bólisti. Olar sonymen qatar polısııa qyzmetkerlerimen birigip «Jeńis kúni» ánin shyrqady.
Muǵalimder «Kóńildi start» sporttyq is-sharasyn uıymdastyryp, tárbıelenýshi balalar men polısııa qyzmetkerlerinen quralǵan eki komanda ózara jarysqa tústi. Bul tartys oıynǵa balalar da, eresekter de belsendi qatysyp, nátıjesinde dostyq jeńiske jetti. Polıseıler balalarmen áńgimelesip, olardy merekemen quttyqtady, balalarǵa bazarlyq retinde velosıpedter, oıynshyqtar sııaqty túrli syılyqtarmen qýantty.
Mańǵystaýda polıseıler úshin mereke qarsańynda balalar úıiniń, áleýmettik ortalyqtardyń qamqorlyǵyna alynǵan balalaryna barý dástúrge aınalǵan. Birneshe jyl boıy balalar men polısııa qyzmetkerleri dostyq qarym-qatynasty damytyp keledi.
