Kitap budan buryn Jeńistiń 50,60,65,70 jyldyqtaryna arnap jaryq kórgen «Bozdaqtar», «Taǵzym» kitaptarynyń jalǵasy bolyp tabylady. Mańǵystaý oblysynyń qurmetti azamaty Qoılybaı Qarajanovtyń qurastyrýymen shyqqan kitap eli úshin qurban bolǵan jaýyngerler rýhyna taǵzym etýge, jas urpaqty tárbıeleýge, el basyna kún týǵanda ajalmen betpe-bet turǵan babalarynyń erligin úlgi ete otyryp, patrıottyq sezimdi qalyptastyrýǵa, sondaı-aq qıyn kezde el qorǵaǵan aǵa býyn ókilderiniń esimin urpaq jadynda jańǵyrtýǵa negizdelgen.
Mańǵystaý óńirinen Ekinshi dúnıejúzilik soǵysqa 6186 adam attanyp, onyń 4942-si soǵys operasııalaryna qatyssa, 1244-i jumysshy batalonyna alyndy. Osy azamattardyń úshten ekisi týǵan jerge oralmady.
Jańadan jaryq kórgen «Taǵzym-5» jınaǵy kitapqa engen barlyq maıdangerler men tyl ardagerleriniń urpaqtaryna, oblystaǵy kitaphanalar men bilim berý uıymdaryna, memlekettik mekemelerge tegin taratylyp beriledi.
El basyna kún týǵanda soǵysqa attanǵan erler men eńbek maıdanynda erlerden kem emes ter tókken analardyń erligi – máńgi este jáne únemi úlgi.
Mańǵystaý oblysy
