- Bilim artyq, óıtkeni, ol – paıǵambarlardan qalǵan mıras, baılyq –baqyldardan qalǵan mura.
- Bilim artyq, bilimdiniń janynda adal dostar kóp bolady, al baı adamnyń qasynda amal dostar kóp bolady.
- Bilim artyq, ol dosyńdy kóbeıtedi, baılyq dushpanyńdy arttyrady.
- Bilim artyq, ony qansha jumsaǵanmen azaımaıdy. Baılyqty jumsaı berseń, bir kúni túgesiledi.
- Bilim artyq, ony ury-qarydan saqtaýdyń keregi joq, al jıǵan dúnıeńdi syrt kózderden qorǵashtaýmen ótesiń.
- Bilimiń kóp bolsa el saǵan qyzyǵady, baılyǵyń kóp bolsa el seni qyzǵanady, bilimniń artyq bolatyny sol.
- Bilim artyq, bilimiń kóp bolǵanmen esep-qısap júrgizbeısiń, baılyǵyńa udaıy esep júrgizip turýyń kerek.
- Bilim qansha kóp bolsa da irip-shirip ketpeıdi, dúnıe-mal bolsa búlinedi, sondyqtan da bilim artyq.
- Bilim artyq, ol kisiligiń men kishiligińdi arttyrady. Baılyq bolsa sarańdyq pen qomaǵaılyǵyńdy arttyrady.
- Shynaıy bilimdi adam ornymen sóıleıdi, izettiligi de artady. Baılyǵy mol adam oǵan mastanyp maqtanady, astamshylyq kórsetedi, sondyqtan bilim artyq degen eken.
