Vıdeoda balyq aýlaýshylardyń venter atalatyn aý quralymen altyn tústes balyq ustaǵany túsirilgen. Balyqshylar da, áleýmettik jelini qoldanýshylar da balyqty «altyn jaıyn» ataǵan. Shynymen altyn balyq pa, álde...
– Biz de bul vıdeony kórdik. Ony Almatydaǵy áriptesterimizge jiberdik. Bul albınos jaıyn degen toqtamǵa keldik. Balyqty qandaı da bir aýrýǵa ushyraǵan deýge bolmaıdy. О́ıtkeni, onyń belsendi qımyly bar. Al sý qoımasynda ýlanǵan bolýy múmkin desek, onda ózge balyqtar da túsin ózgerter edi. Osy turǵydan aıtqanda, balyqtyń túsin ózgertýine tabıǵı ortanyń áseri tımegen sııaqty, -deıdi «Balyq sharýashylyǵy ǵylymı-óndiristik ortalyǵy» JShS Atyraý fılılalynyń dırektory Erbolat Qadımov.
Onyń pikirinshe, bul albınos balyq bolýy múmkin. Árıne, buǵan jaıyn zertteý arqyly ǵana naqty tujyrym jasalar edi. Alaıda, qazir altyn tústes jaıyn qaıda? Sýǵa qaıta jiberildi me, joq pa? Ony eshkim bilmeıdi.
Tipti vıdeonyń qaıda, qashan túsirilgeni anyqtalǵan joq. Biraq, onda balyqshylardyń qazaqsha, oryssha sózderi estiledi. Soǵan qaraǵanda, Edil ózeniniń tómengi saǵasynda, ıaǵnı, Reseıdiń Astrahan oblysynda, bálkim, Atyraý oblysynyń Qurmanǵazy aýdany aýmaǵynda túsirilgen shyǵar. Álde Qıǵash ózeninde me?
