Atap aıtar bolsaq, kórermenderdiń kózaıymyna aınalǵan «Esimderi júrekterde saqtalǵan», «Vspomnım vseh poımenno», «Máńgilik polk sherýi», «Er esimi el esinde» atty eske alý alleıasy, «Erligińdi maqtan tutamyn» t.b. biregeı jobalardyń syrtynda, Búkilálemdik kitap jáne avtorlyq quqyq kúnine oraı uıymdastyrylǵan «Kitappen birge bolaıyq» jobasy da kópshilik kóńilinen shyqty.
Joǵarydaǵy mádenı sharalardy oıdaǵydaı atqarý úshin belgili aqyn-jazýshylar men óner maıtalmandary: Tolqyn Sultan, Altynaı Nógerbek, Tolqyn Qabylsha, Qumarbek Qalqataev, Ásel Saılaýbaı, Turar Sattarqyzy sekildi eleýli tulǵalar shaqyrylyp, olarmen ótkizilgen onlaın suhbat túri oqyrmandardyń rýhanı suranysyn qanaǵattandara aldy. Iаǵnı, betpe-bet áńgime barysynda oqyrmandar keıipkerlerdiń ózekjardy áńgimesine sýsyndaýmen qatar, ózderin tolǵandyrǵan suraqtaryna da jaýap aldy.
Karantın merzimin tıimdi paıdalanǵan kitaphana qyzmetkerleri osylaı óz oqyrmandaryn ózekti aqparatpen der kezinde qamtamasyz etýmen qatar, qyzyqty, mazmundy jobalar uıymdastyryp, onlaın suhbat, kezdesýler ótkizip, oqyrmandardyń ystyq yqylasyna bólendi.
