Mundaǵy maqsaty – kúndelikti turmysta, kásipte, túrli resmı sharalarda, qoǵamnyń túrli áleýmettik salalarynda qazaq tilin paıdalaný men onyń qoldanys aıasyn keńeıtý úshin zamanaýı til meńgerý ádisteriniń qaǵıdattary negizinde tildi jyldam ári ońaı meńgerýdiń túrli tásilderi boıynsha óńirlerde qazaq tilin oqytyp, úıretip júrgen oqytýshylar men ustazdarǵa ádistemelik kómek, qoldaý kórsetý.
Kezekti onlaın dáristerdi Shaısultan Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń atqarýshy dırektory Erbol Tileshov bastap, Nazarbaev ýnıversıteti Qazaq jáne túrkologııa departamentiniń professory, fılologııa ǵylymdarynyń doktory Zeınehan Kúzekova, Abaı atyndaǵy Qazaq ulttyq pedagogıkalyq ýnıversıtetiniń professory, fılologııa ǵylymdarynyń doktory Tańat Aıapova, Y.Altynsarın atyndaǵy Ulttyq bilim akademııasynyń jetekshi ǵylymı qyzmetkeri, fılologııa ǵylymdarynyń kandıdaty Almagúl Muqysheva júrgizedi.
Onlaın dáriske elimizdiń barlyq óńirlerindegi Til basqarmalary men oqytý ortalyqtarynyń basshylary, ádiskerleri, oqytýshylary, sonymen qatar joǵary oqý oryndarynyń til mamandary, magıstranttary men doktoranttary qatysady. Dáris feısbýk jelisindegi ONLINE-da bol paraqshasynda tikleı efırde kórsetiledi.
