Osyǵan oraı buǵan deıin doktorant qorǵaý kezeńine deıin jetý úshin 7 maqala jarııalaýǵa mindetti bolǵan doktorant budan bylaı tek sapaly 1 maqalamen dıssertasııasyn qorǵaýǵa shyǵa alady.
«Dıssertasııany qorǵaý kezindegi jarııalanymdarǵa qoıylatyn talaptar qaıta qarastyryldy. Bilim jáne ǵylym mınıstrliginiń tıisti Buıryǵy Ádilet mınıstrliginde tirkeldi. Buǵan deıin doktorant qorǵaý kezeńine deıin jetý úshin 7 maqala jarııalaýǵa tıisti bolatyn. Bul kórsetkishke qol jetkizý úshin doktoranttar sapasy kúmán týdyratyn jýrnaldarda jarııalanymdar jasaýǵa májbúr boldy. Bizdiń ǵalymdardyń maqalalary halyqaralyq bazalardan alynyp tastalǵan, túkke turmaıtyn jýrnaldarda jarııalanǵan kezder de bolatyn. Osyǵan baılanysty biz bul tájirıbeni ózgertý boıynsha sheshim qabyldadyq. Endi qarapaıym ereje jumys isteıdi – sapasy tómen jýrnaldarda 7 maqala jarııalaǵannyń ornyna, joǵary kvartılge kiretin basylymdarda maqalalar jarııalansa jetkilikti. Al birinshi kvartıl quramyna kiretin jýrnaldarda bir ǵylymı maqala shyqqan bolsa, ózge jarııalanymdar talap etilmeıdi. Bul shara sapasyz jarııalanymdardyń sanyn azaıtyp, júktemeni jeńildetedi jáne ǵalymdardy dáıeksózderi taralý boıynsha joǵary deńgeıdegi orıgınaldy ǵylymı maqalalar jazýǵa yntalandyrady», dep jazdy mınıstr.
