Atap aıtsaq, respýblıkalyq mańyzdaǵy kólik joldary 363 ret tekserilip, 1058 synama alyndy. Mamandarymyz jergilikti mańyzdaǵy trassalarǵa 115 ret baqylaý júrgizip, 636 synamalardy aldy. Sonymen qatar, qalaishilik joldar 12 ret tekserilip, bas-aıaǵy 14 synama alyndy.
Tekserý jumystarynyń nátıjesi boıynsha, alynǵan synamalardyń 449-y QR memlekettik standartyna sáıkes kelmeıtindigi anyqtaldy. Onyń ishinde respýblıkalyq mańyzdaǵy kólik joldarynan alynǵan 223 synama, jergilikti mańyzdaǵy trassalardan alynǵan 212 synama, qalaishilik joldardan alynǵan 14 synamanyń sapasy talapqa saı emes. Budan bólek, joldarda jasalǵan jumystardan 246 aqaý tabyldy. Onyń 181 respýblıkalyq, 65-i jergilikti mańyzǵa ıe avtomobobıl joldarynan anyqtalyp otyr.
Baqylaý-tekserý jumystary júrgizilgen qazirgi ýaqytta qaıta jańartý jumystary júrip jatqan «Beıneý-Aqjigit-О́zbekstan Respýblıkasynyń shekarasy» baǵytyndaǵy joldyń 0-63 jáne 63-85 shaqyrymynan alynǵan synamalardyń deni talapqa sáıkes kelmeıdi. Al «Jetibaı-Jańaózen-Kendirli-Túrikmenstan Respýblıkasynyń shekarasy» baǵytyndaǵy trassanyń 0-35 shaqyrymynan alynǵan synamalar nátıjesi durys bolyp shyqty. Alaıda osy joldyń 35-73 shaqyrymynda júrgen tekserýler qorytyndysyn 8 kemshilik tabyldy.
Anyqtalǵan aqaýlyqtar men talapqa sáıkes kelmeıtin kemshilikterdi túzeý úshin jol salýshy merdiger kompanııalarǵa, olarǵa tapsyrys berýshi mekeme-kásiporyndarǵa qyzmettik hat joldandy.
