Karantın rejıminiń erejelerine sáıkes ótkizilgen bul rásimderge eń úzdik jaýyngerler ǵana qatysty.
- Qyzmet barysynda biz kóp nárseni úırenip, kóp jaǵdaılardy bastan ótkerdik. Biz barlyq komandırlerimizge olardyń adal qyzmetteri men men bergen bilimderi úshin alǵys aıtamyz. Elimiz úshin qıyn kezderde bizdiń densaýlyǵymyzǵa, aman-esen úıge oralýǵa qamqorlyq jasaǵandary úshin rızashylǵymyzdy bildiremiz, - dedi qatardaǵy jaýynger Dáýlet Ermahan.
Bir jyl ishinde áskerı qyzmetshiler áskerı mamandyqtaryn ıgerdi, jaýyngerlik daıyndyqta aıtarlyqtaı nátıjelerge qol jetkizdi. Olar tájirıbe júzinde jaýyngerlik daıarlyqtyń tolyq sıklin ıgerip, ártúrli deńgeıdegi áskerı oqý-jattyǵýlarda ózderin jaqsy kórsete bildi.
Qyzmettik mindetterin adal oryndap, joǵary áskerı tártibi men jaýyngerlik jáne dene shynyqtyrý daıyndyqtaǵy úzdik kórsetkishteri úshin sarbazdar alǵys hattarmen jáne syılyqtarmen marapattaldy. Birqatar áskerı qyzmetshige merzimdi áskerı ataqtary berildi.
«Batys» óńirlik qolbasshylyǵynyń 1000 merzimdi áskerı qyzmetshisiniń 900-den astamy úılerine jóneltildi.
