О́ńirdiń bas ekology Rýslan Kárimuly ózi jetekshilik etetin vedomstvanyń negizgi mindetteri, aımaqtyń ekologııalyq ahýaly, qorshaǵan ortany jaqsartý baǵytyndaǵy jumystar, «Taza bolsa tabıǵat – aman bolar adamzat» dástúrli baıqaýy, ekologııalyq bilim berý men nasıhattaý sharalary, Shetpe karerlerinen qorshaǵan ortaǵa keltirilgen zalaly, shıkizat óndirýshi kompanııalar tarapynan jiberiletin zań buzýshylyqtar, QR jańa Ekologııalyq kodeksi, ásirese ekonomıkalyq yntymaqtastyq jáne damý uıymy sarapshylary tujyrymdaǵan «lastaýshy tóleıdi» prınsıpi týraly jáne taǵy basqa ózekti máseleler tóńireginde tereńirek toqtalǵan bolatyn.
- Qorshaǵan ortany qorǵaý máselesine jan-jaqty qaraýymyz qajet. Sebebi bul tek ekologııa departamentiniń jumysy dep ysyryp qoıýǵa bolmaıdy, ekologııanyń jaqsarýyna árbir adam óziniń úlesin qosqanda ǵana, nátıje bolary sózsiz. Barlyq másele tek aıyppul salýmen sheshilmeıdi. Eń aldymen osyny túsiný qajet. Aımaqtyń ekologııalyq ahýalyn jaqsartý óz qolymyzda ekenin umytpaýymyz kerek, deıdi Rýslan Tókenov.
Al, «Ekologııa – adaldyq alańy» jobalyq keńesiniń jetekshisi Áset Málikuly, ótken jyldyń aıaǵynda óz jumysyn bastaǵan «Ecojer» qazaqstandyq ekologııalyq aımaqtyq bastamalar qaýymdastyǵynyń bolashaǵy bar ekendigine senimdi. Máselen, elimizdegi qoqys polıgondarynda 100 mln tonnadan astam kommýnaldyq qaldyqtar jınalǵan. Jyl saıyn onyń kólemi 4 mln tonnaǵa artady. Qazirdiń ózinde kóptegen polıgondardyń paıdalaný merzimi ótip ketken, al qoqystardy kómý úshin jańa jer ýchaskeleri qajet. Bul problemanyń sheshimi bar jáne bul rette «EcoJer» qaýymdastyǵy «EcoNetwork» kompanııasymen birlesip qoqysty bólek jınaý mádenıetin qalyptastyrýdy usynǵan. Qaýymdastyq keńselerinde arnaıy eko-bokstar ornatylǵan.
- Bul bastama qaldyqtardy odan ári óńdeý úshin suryptaýǵa múmkindik beretinin túsinýimiz qajet. Mundaı eko-bokstardy ǵımarat ishinde ornatý qolǵa alynsa degen tilegim bar, al eko-bokstardy qalaı paıdalaný kerektigin jáne qaldyqtardy qalaı durys suryptaý kerektigin túsiný asa qıyndyq týǵyzbaıdy. Eger árbir qazaqstandyq qoqysty suryptaıtyn bolsa, onda qoqystyń 10-15% ǵana polıgondarda qalady, al qalǵandary ekologııaǵa zııan keltirmeı qaıta óńdeledi. Mańǵystaý óńirinde osyndaı bastamany qolǵa alǵandar bar, keıbir kompanııalar men bıznes ortalyqtarda kórdim. Jalpy qorshaǵan ortany qorǵaýǵa baǵyttalǵan sharalar bizdiń tarapymyzdan da usynylatyn bolady. Josparymyz kóp, kez-kelgen múddeli taraptarmen qoıan-qoltyq jumys jasaýǵa daıyn ekenimdi jetkizgim keledi, - dedi Áset Manov.
«Man`g`ystay` - adaldyq alan`y» jobalyq keńsesiniń «Facebook» áleýmettik jelisindegi akkaýntynda bir saǵatqa sozylǵan tikeleı efırde qoıylǵan barlyq suraqtarǵa tushymdy jaýaptar berildi.
