Aımaqtar • 22 Mamyr, 2020

Shymkentte 2 700-den astam dáriger aldyńǵy shepte indetpen kúresýde

34 ret kórsetildi

Shymkent qalasynda koronavırýs indetimen kúreste 26 emdeý mekemesinde jalpy 2 764 medısına qyzmetkeri  jumys isteıdi. 

Bilikti mamandardan jasaqtalǵan dárigerler juqpaly aýrýlar aýrýhanasy, karantındik stasıonarlar, jedel járdem stansııasy, emhanalar men zerthanalyq ortalyqtarda tynymsyz eńbek etýde. Medısına mamandary alǵashqy kúnnen bastap naýqastarǵa qoldan kelgen kómegin jasaýda. Tipti naýryzdan beri úılerine barmaǵan dárigerler bar. Aq halatty abzal jandar kúndelikti dertpen betpe-bet kelip, epıdemııalogııalyq jaǵdaıdyń órshýine qaramastan ózderine júktelgen mindetti abyroımen atqaryp keledi. 

Memleket basshysy Qasym-Jomart Toqaev koronavırýspen kúresip jatqan medısına qyzmetkerlerine kómek kórsetý týraly tapsyrmasyna sáıkes Shymkentte Tótenshe jaǵdaı rejıminde joǵary júktememen eńbek etken 2126 medısına mamandaryna naýryz-sáýir aılarynda eselep atqarǵan eńbegi elenip, respýblıkalyq bıýdjetten ústemaqy retinde bólingen 799, 22 mln teńge berildi.

Medısına qyzmetkerleri jumysynyń qaýiptiligine qaraı 3 topqa bólingen. Birinshi sanattaǵy óte qaýipti jaǵdaıda jumys istegen 24 qyzmetkerge 8,749 mln, ekinshi sanattaǵy qalypty jaǵdaıda jumys isteıtin dárigerler men feldshelerge jáne ózge de 977 medısına mamandaryna 294,848  mln teńge bólindi.

Al úshinshi deńgeıdegi qaýipsizdik jaǵdaıynda jumys isteıtin 1126  medısına mamanyna 91,166 mln teńge qarajat qaralǵan.

Ústemaqy alǵandar - reanımasııa bólimderimen qosa alǵanda, juqpaly aýrýlar stasıonarlarynyń dárigerleri, karantındik aımaqtaǵy orta jáne kishi medısına qyzmetkerleri. Sondaı-aq provızorlyq stasıonar men jedel járdem qyzmetiniń dárigerleri men jedel járdem kólikteriniń júrgizýshileri.

Naýryz aıynda elimizde jarııalanǵan tótenshe jaǵdaı rejıminde ýaqytpen sanaspaı eńbek etip júrgen medısına mamandaryna 394,77 mln teńge berildi.

Qarapaıym halyqtyń densaýlyǵy úshin óz basyn báıgege tikken aq halatty abzal jandarǵa sáýir aıynda 514,969 mln teńge berý josparlanǵan.

Shymkent qalasyndaǵy memlekettik medısınalyq uıymdarda jalpy 3226 dáriger men 8493 orta býyndy medısına mamandary kún-tún demeı jumys istep jatyr.

Odan bólek ústemaqy almaǵan 4 medısınalyq mekemede eńbek etetin 500-den astam qyzmetkerge syıaqy berildi. Demeýshiler esebinen 25 mıllıon teńge qalalyq juqpaly aýrýlar aýrýhanasy men № 2 qalalyq aýrýhana qyzmetkerlerine berildi. Syıaqydan «Meıirim» jáne «Atameken» ońaltý ortalyqtaryndaǵy karantın rejıminde tynymsyz eńbektenip jatqan medısına mamandary da shet qalmady.  

Jumysyna adal dárigerler qaýymy táýlik boıy jumys isteıdi. Qazirde qaladaǵy medısınalyq uıymdardaǵy 300-den asa qyzmetkerler qonaqúıge jaıǵastyrylǵan. Bul - qaýipti oshaqta jumys isteıtin aq halatty abzal jandardyń otbasyn saqtaý maqsatynda jáne qaýipsizdik jumystaryn kúsheıtý úshin qolǵa alynǵan qadamdar.

 

Shymkent

Sońǵy jańalyqtar

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar