Úkimet • 23 Mamyr, 2020

Asqar Mamın Almaty oblysynda gıdrotehnıkalyq qurylystardyń jaı-kúıimen tanysty

21 ret kórsetildi

Premer-Mınıstr Asqar Mamın jumys sapary aıasynda Almaty oblysyndaǵy aýyl sharýashylyǵy jáne sý sharýashylyǵynyń, sondaı-aq turǵyn úı jáne ınjenerlik ınfraqurylymnyń damýyn tekserdi. Bul týraly Premer-Mınıstrdiń baspasóz qyzmeti habarlady. 

Aqsý aýdanynda A. Mamın jobalyq qýattylyǵy 42 mln kýb m bolatyn Qyzylaǵash sý qoımasynyń rekonstrýksııasymen tanysty. Aldaǵy vegetasııa kezeńinde sý qoımasy sýarmaly jerlerdiń aýmaǵyn keńeıtip, sýmen qosymsha 7 myń ga alqapty qamtamasyz etýge jol ashady. 

Úkimet basshysyna Almaty oblysynyń ırrıgasııalyq júıesin jańǵyrtý jobalary týraly baıandaldy. О́ńirde 356 gıdrotehnıkalyq qurylǵy jumys isteıdi, ırrıgasııalyq jelilerdiń uzyndyǵy — 16,6 myń shaqyrym.  Kanaldardy, toǵandar men gıdrotoraptardy jóndeý jáne rekonstrýksııalaý boıynsha josparlanǵan jumystar 2028 jylǵa qaraı 137,8 myń ga sýarmaly jerdi aınalymǵa engizýge múmkindik beredi. Bıyl sý sharýashylyǵy nysandaryn damytýǵa oblystyq bıýdjetten 2,1 mlrd teńge bólindi, onyń ishinde 1,4 mlrd teńge 9 nysandy kúrdeli jóndeýge bólingen. Islam damý bankiniń qarajaty esebinen sýarý jelilerin rekonstrýksııalaý jumystary Eskeldi, Aqsý, Alakól jáne Kóksý aýdandarynda júrgizilip jatyr. 
Premer-Mınıstr Almaty oblysynyń Balqash, Eskeldi jáne Talǵar aýdandarynyń jetekshi sharýa qojalyqtarynyń tájirıbelik demonstrasııalyq alańdaryn, sút-taýar fermalaryn jáne materıaldyq-tehnıkalyq bazasyn aralap kórdi. A. Mamınge ósimdik sharýashylyǵy, mal sharýashylyǵy jáne veterınarııa salalaryndaǵy otandyq ǵylymı-zertteý ınstıtýttarynyń ázirlemeleri, qarqyndy eginshilik, asyl tuqymdy jylqy sharýashylyǵy, et pen sút óndirisin keńeıtý, sondaı-aq aýyl sharýashylyǵy ónimderin tereń óńdeýdi damytý jobalary tanystyryldy.

Bıyl Almaty oblysynyń agroónerkásip kesheninde 42 ınvestısııalyq jobany júzege asyrý josparlanǵan. 2020 jyldyń tórt aıynyń qorytyndysy boıynsha 2019 jyldyń osy kezeńimen salystyrǵanda aýyl sharýashylyǵynda jalpy ónim kólemi 2,3%-ǵa, azyq-túlik ónimderin óndirý kólemi 14,2%-ǵa, al AО́K óńdelgen ónim eksporty 27,6%-ǵa ósti. 

Taldyqorǵan qalasynda Premer-Mınıstr turǵyn úı ınfraqurylymynyń damýyn, óńirdi gazdandyrý jumystarynyń barysyn, sondaı-aq «Nurly jol», «Jumyspen qamtýdyń jol kartasy-2020» baǵdarlamalarynyń iske asyrylýyn jáne t. b. tekserdi.  

Sońǵy jańalyqtar

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar