Belgili bolǵandaı, Batken oblysy Batken aýdany Moınok eldimekenindegi qyrǵyz-tájik memlekettik shekarasynyń ýchaskesinde Tájikstannyń «Vorýh» anklavynyń turǵyndary qyrǵyz aýmaǵynda mal jaımaq bolǵan. Qyrǵyz shekarashylary olardyń bul áreketine jol bermegen.
Budan soń belgisiz tájikter qyrǵyz shekarashylaryna oq ata bastaǵan. Keıinirek bul atys saǵat 11:40-tarda qyrǵyz-tájik shekarashylarynyń qarýly qaqtyǵysyna ulasqan. Qyrǵyzstandyqtar arasynda zardap shekkender joq.
Saǵat 12:20-da Qyrǵyzstan men Tájikstannyń shekara ókilderi oqıǵa ornynda kezdesti. Qazir qyrǵyz-tájik shekarasyndaǵy jaǵdaı turaqtaldy. Taraptar oqıǵa faktisi boıynsha talqylaý júrgizedi.
Bul shekarashylar arasynda mamyr aıyndaǵy ekinshi qarýly qaqtyǵys. Buǵan deıin qyrǵyz-tájik memlekettik shekarasynda 8 mamyrda atys bolǵan edi. Ol kezde Chek Batken oblysynda Qyrǵyzstan men Tájikstannyń shekaralas aýdandarynyń turǵyndary arasynda 50 sottyq Chek ýchaskesin paıdalaný máselesine qatysty másele týyndaǵan bolatyn.
