Bas qosýdyń basty maqsaty – jahandaný jaǵdaıynda qazaqtyń ǵylymı tilin damytý úshin aqparattyq tehnologııa termınderiniń ulttyq úlgisin jasaý, jetildirý, júıeleý máselelerin talqylaý jáne shettildik termınderdi ıgerýdegi sátti tájirıbemen bólisý.
Keıbir termınderdiń túrli balamada qoldanylýy, ıaǵnı teledıdar, gazet-jýrnaldarda, oqýlyqtar men ádebıetterde túrli balamalarynyń qatar júrýi, onyń ishinde sátsiz balamalardyń bolýy shettildik termınderdi túpnusqa túrinde qoldaný qazaq tilin ǵylym tili retinde damytýǵa kedergi keltirýde. Osy oraıda termınderdiń birizdiligin saqtaý – ózekti.
Onlaın-semınardyń baıandamashylary aqparattyq tehnologııa salasyndaǵy jekelegen termınderdiń ártúrli balamada qoldanylý faktilerine toqtalyp, qoldanystaǵy shettildik termınderdiń úles salmaǵyn azaıtýdyń joldaryn usynady, avtorlyq qoldanystaǵy sózder men termınderdiń ulttyq termınologııany jetildirýge tıgizetin áseri men saldaryn talqylaıdy.
Sondaı-aq semınarda sala mamandary men jurtshylyqqa ádistemelik jaǵynan qoldaý kórsetý kózdelýde.
Is-sharany sala mamandary, fılologtar men joǵary oqý ornynyń stýdentteri, jalpy jurtshylyq www.termincom.kz saıtynyń YouTube kanalynan kóre alady.
