«Memleket basshysy «Beıbit jıyndar týraly» týraly jańa zańǵa qol qoıdy. Bul Ulttyq keńestiń aıasynda usynylyp, daıyndalǵan prezıdenttik saıası reformalar paketiniń alǵashqy úlken nátıjeleriniń biri. Tuńǵysh ret ulttyq zańnamada beıbit jıyndar men sherýlerdi ótkizýde ruqsat alý tártibiniń ornyna habarlandyrý tártibi engizilip otyr. Jańa zańǵa sáıkes árbir qalanyń aýdandarynyń ortalyǵynda mindetti túrde úsh oryn beriletin bolady jáne de eger jıyn ıa sherý barysynda zań buzýshylyq oryn alyp, uıymdastyrýshylar tarapynan tıisti sharalar qabyldansa ol jıyn toqtatylmaıdy, ıaǵnı jańa zań azamattarǵa beıbit jıyndy ótkizýdegi quqyǵyn basymdyq retinde bekitýde», - dedi Erlan Qarın.
Onyń aıtýynsha, bul zańnyń qabyldanýy elimizdiń saıası qoǵamdyq ómiriniń odan ári demokratııalandyrý baǵytyndaǵy mańyzdy oqıǵa bolyp tabylady.
«Sonymen qatar, Prezıdent Qasym-Jomart Toqaevtyń bastamasymen qurylǵan Ulttyq qoǵamdyq senim keńesiniń nátıjeli jumysynyń aıqyn kórinisteriniń biri. Ulttyq keńestiń músheleri atalǵan zańnyń daıyndalýynan bastap, talqylaýlardyń barlyq satylaryna belsene at salysyp, zań jobasynyń jetildirýine úlken úles qosty. Sondyqtan osy zańnyń qabyldanýymen Ulttyq keńestegi áriptesterimdi de quttyqtap, alǵysymdy bildiremin», - dep jazdy Erlan Qarın.
