Tyba basshysynyń aıtýyna qaraǵanda, ózinen basqa taǵy birneshe laýazymdy sheneýnik indet juqtyrǵan eken. Olardyń bári emdelip jatyr. «Aýrýhanada menen basqa Tagna jáne Úleghem kojýýn (aýdan) ákimderi, sondaı-aq apparat qyzmetkerleri em qabyldap jatyr. Pandemııanyń beti óte jaman. Densaýlyqqa áser etý joldary da ártúrli. Bireýdiń basy qatty aýyrsa, kelesi adamnyń ókpesi zaqymdanǵan. Endi bireýler asa qınala qoımady. Dese de dárigerler qaýymynyń eńbegi erekshe. Bizge joǵary deńgeıde saýyqtyrý sharasyn júrgizýde. Buıyrsa, buny da jeńip shyǵamyz degen úmit mol» depti Kara-ool myrza.
Sonymen qatar, respýblıka basshysy koronavırýs ózi oılaǵanynan qaýipti ekenin aıtyp, adamdardy saq bolýǵa shaqyrdy. Dál qazir atalmysh elde indetke shaldyqqandar sany 800-ge jýyqtap, olardan 100-ge jýyq adam saýyǵyp shyqsa, birli-jarymy qaza tapqan kórinedi.
Respýblıka basshysynyń baspasóz hatshysy Dolaana Salchak taratqan resmı málimetine júginsek, elge basshylyq jasaý jumysy respýblıkanyń jaýapty mınıstri Aleksandr Brokertke ýaqytsha júktelipti.
