Zań jobasy Memleket basshysynyń tapsyrmasy boıynsha ázirlengen bolatyn.
Onyń mindetteri qurylys salasy sýbektilerin yntalandyrýdy qamtamasyz etý, ıpotekalyq kredıtteýdi odan ári damytý, turǵyn úı qurylysy operatorynyń qyzmetin ońtaılandyrý, jumys istep turǵan operatorlardyń ákimshilik shyǵystaryn azaıtýdyń esebinen bıýdjet qarajatyn únemdeý bolyp tabylady.
Qujatpen biryńǵaı operatordyń ıpotekalyq qaryz berý; kóppáterli turǵyn úılerdegi úlesti satyp alýǵa arnalǵan qaryzdardy kepildendirý; ınvestısııalyq jobalardy qarjylandyrý jáne iske asyrý jónindegi qyzmeti retteledi.
Zańnyń qabyldanýy elimizdiń halqyn sapaly jáne jaıly turǵyn úımen qamtamasyz etýdi arttyrýǵa baǵyttalǵan memlekettik sharalardy odan ári iske asyrýǵa, onyń ishinde qurylys salasyna qoldaý kórsetýge, turǵyn úı naryǵyndaǵy men ıpotekalyq kredıtteýdegi suranys pen usynystyń teńgerimdi ósýi úshin jaǵdaı jasaý arqyly qamtamasyz etýge múmkindik beredi.
Qujat Palatanyń qaraýyna jiberildi.
