Jańaózendegi áıgili jelaıaq, «Aqmyshta týyp, AQSh-ta júlde alǵan» Ámın Tuıaqov atyndaǵy ortalyq stadıon 2008 jyly paıdalanýǵa berilgen bolatyn. Alaıda, on eki jyldan astam ýaqyt boıy jańaózendik saportsúıer qaýymnyń qutty ordasyna aınalyp, olarǵa sapaly qyzmet kórsetip kele jatqan stadıonǵa ashylǵaly beri kúrdeli jóndeý jumystary júrgizilmegen. Bıyl atalǵan sport keshenine «Jumyspen qamtý jol kartasy» baǵdarlamasy aıasynda 200 mln teńge qarajat qarastyrylyp, stadıondaǵy 3000 oryndyq jańalanyp, halyqaralyq standartqa saı tósenish tóseledi. Keshenniń 1250 metr aýmaǵy tastan qashalǵan qorshaýmen qorshalyp, aınalasyna 57 qýatty jaryqshamdar ornatylyp, jaryq dıodty shamdarmen jaryqtandyrylady jáne perımetri boıynsha 3900 sharshy metr júgirý joly salynady. Ortalyq stadıondaǵy jóndeý jumystary aıaqtalǵannan keıin Jańaózendegi stadıon oblystyq «Kaspıı» fýtbol klýbynyń rezervtik alańy bolmaq. Iаǵnı, jóndeýden ótken alańnyń baǵy basqasha janady – onda halyqaralyq dárejede fýtbol oıyny ótkiziledi dep josparlanýda. Búginde qurylys alańynda «Jumyspen qamtý jol kartasy» baǵdarlamasy boıynsha 50 adam jumys jasaýda. Jańǵyrǵan alańnyń halyqpen qaýyshar kezi de alys emes – bıylǵy jyldyń qazan aıy.
Jańaózen qalasyndaǵy qolǵa alynǵan isterdiń biri – ortalyq saıabaǵyn abattandyrý jáne «Jumyspen qamtý jol kartasy» baǵdarlamasy aıasynda qalaishilik avtokólik joldarynyń ortasha jóndeý jumystary. Búginde ortalyq saıabaqta sý burqaǵyn jóndeý jáne kishi arhıtektýralyq formalardy ornatý jumystary júrgizilýde. Al qalaishilik 54 shaqyrym jol jóndelip, avtokólik tas jolyn salý jumystary da josparda. Sondaı-aq 220 oqýshyǵa arnalǵan jáne 110 oryndyq jataqhanasy bar, aǵymdaǵy jyldyń tamyz aıynda oqýshylar ıgiligine tapsyrylatyn Jańaózen Bilim-Innovasııa lıseı-nternaty da qalanyń áleýmettik salasyna qosylar jańa kúsh bolmaq.
Jańaózendegi jańalyqtyń biri – burynǵy týberkýlez aýrýhanasynyń ornyna jedel járdem bólimi ǵımaratyn salý. Qaıta qurylymdaý jobasy «Jumyspen qamtý jol kartasy» baǵdarlamasy aıasynda qaıta qarjylandyrýǵa usynylǵan. Joba júzege asqanda Jańaózen qalasynan bólek, Qaraqııa aýdanyna qarasty Bostan, Senek, Qulandy aýyldary turǵyndarynyń suranysy tolyqtaı oryndalyp, medısınalyq kómek ala alatyn bolady.
Jańaózen qalasynyń turǵyndaryn aýyz sýmen qamtamasyz etip, káriz qyzmeti jáne qalanyń abattandyrý jumystarymen aınalysatyn «О́zenInvest» memlekettik kommýnaldyq kásiporny qala ómirinde erekshe mánge ıe. Memlekettik avtomobıl joldaryn kútip ustaý, sporttyq-saýyqtyrý obektilerin, mádenıet jáne demalys saıabaqtaryn kútip ustaý, memlekettik menshiktegi sý sharýashylyǵy júıeleri men qurylys jaılaryn kútip ustaý, paıdalaný, jóndeý jáne rekonstrýksııalaý, sondaı-aq olardyń qaýipsizdigin qamtamasyz etý qyzmetin atqaratyn mekemede barlyǵy 641 adam jumys isteýde. Olardyń 350-i «Jumyspen qamtý jol kartasy» baǵdarlamasy boıynsha qabyldanǵan. Derekterden belgili bolǵandaı, mekeme qalany keshendi damytý jospary negizinde 542 mln teńgege abattandyrýǵa qajetti 39 tehnıkalar men qural jabdyqtar alýǵa tapsyrys bergen. Búginde shuńqyr qazatyn, jol jıekterin syzatyn býldozer syndy 8 tehnıka alynǵan.
– Jańaózen qalasynda «Jumyspen qamtý jol kartasy» baǵdarlamasy boıynsha 39 joba iske asyrylýda. Ol – 3 mlrd qarajat. Oǵan jol qurylysy, áleýmettik nysandardyń jóndeý jumystary júrgiziledi. Búgingi aralaǵan nysandardyń barlyǵyna qarajattary bólinip, qujattar rásimdelýi aıaqtalǵan. Endigi bizdiń maqsat – osy jumystardy sapaly aıaqtap, turǵyndardy jumysqa tartý. Budan bólek, Jańaózen qalasyna qatysty Úkimet tarapynan qabyldanǵan áleýmettik ekonomıkalyq jaǵdaıdy damytýǵa arnalǵan keshendi jospar bar. Osyǵan sáıkes qalada áleýmettik obektiler iske asyp jatyr. Jańaózen qalasynda jumyssyzdyq máselesi basty nazarda. Máseleniń oń sheshimin tabý úshin birqatar jobalar iske asyrylýda. Biz turǵyndardy jumyspen qamtý úshin «Jumyspen qamtý jol kartasy» baǵdarlamasymen jáne shaǵyn jáne orta bıznesti qoldaýǵa arnalǵan jeńil nesıeler berý arqyly jańa jumys ornyn quramyz. Eger jastar Aqtaý qalasynda jumys jasaımyn dese jataqhanamen qamtamasyz etip, óndiristik mekemelerge tartýǵa bolady, – dedi S.Trumov.
Mańǵystaý oblysy ákimdiginiń deregine súıensek, Jańaózende qazirgi tańda 39 joba iske asyrylyp jatyr eken. Jańaózendiktermen birge jańa jobalar iske qosylyp, halyqtyń ıgiligine jaraǵan qýanyshty kúndi kórýdi kútemiz.
Mańǵystaý oblysy
