Rýhanııat • 27 Mamyr, 2020

Qazaq tiline ilespe aýdarma jasaý kýrsy uıymdastyrylady

530 ret

kórsetildi

1 mın

oqý úshin

Qazaqstan Respýblıkasy Mádenıet jáne sport mınıstrligi Til saıasaty komıtetiniń tapsyrysymen «Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» KeAQ «Qazaqstan Respýblıkasynda tilderdi damytý men qoldanýdyń 2020-2025 jyldarǵa arnalǵan memlekettik baǵdarlamasy» aıasynda Nur-Sultan qalasy, «Turan» bıznes ortalyǵynda aǵymdaǵy jyldyń 1-5 maýsym aralyǵynda memlekettik tildiń qoldanys aıasyn keńeıtý, ilespe aýdarmashylardyń biliktiligin arttyrý maqsatynda qazaq tilinen aǵylshyn, aǵylshyn tilinen qazaq tiline ilespe aýdarma júrgizýdi úıretý kýrsyn ótkizedi.

Beken QAIRATULY

Qazaq tiline ilespe aýdarma jasaý kýrsy uıymdastyrylady

Kýrsta aýdarma teorııasy, jazbasha aýdarma men aýyzsha aýdarmanyń erekshelikteri, ilespe aýdarmashyǵa qajetti bazalyq grammatıkalyq jáne frazeologııalyq úlgileri, sózdik qordy baıytý jumystary boıynsha dárister oqylady. Sonymen qatar, aýdarmashy mamandarǵa aýdarma teorııasy men praktıkasy, aýdarmatanýdyń ózekti máseleleri sheńberinde oqý-ádistemelik kómek kórsetilip, aýdarma salasyndaǵy ǵalym mamandar ozyq tájirıbesimen bólisedi.

Kýrsty Eýrazııa ulttyq ýnıversıteti aýdarma teorııasy men praktıkasy kafedrasynyń dosenti, PhD doktory Aqnur Tóleýbaeva júrgizedi.

Kýrsqa ortalyq jáne jergilikti atqarýshy organdarynyń aýdarmashylary qatysady. Qatysýshylarǵa biliktilik sertıfıkattary tabystalady.