Hat aǵylshyn áskerleri aýyr soqqyǵa ushyrap nemisterge tótep bere almaı Dıýnkerkten sheginip bara jatqan tusta jazylypty. Biraq hat dittegen jerine jetpeı apaq-sapaqta dalaǵa túsip qalǵan.
«Men úshin ýaıymdamańyz. Basqa túsken qıyndyqty qalaıda eńserýge tyrysam» dep jazǵan Koýldy arada úsh kún ótkende nemis mergeni atyp qulatqan.
Al túsip qalǵan hatty taýyp alǵan nemis ofıseri uzaq jyl saqtap, 1968 jyly Ulybrıtanııadaǵy «Saffolk» qaıyrymdylyq keńesine joldaǵan eken. Hat osy qordyń arhıvinde tapjylmaı jatyp qalǵan.
Jaqynda qaıyrymdylyq keńestiń arhıv qyzmetkeri Haıdı Hıýgs (Heidi Hughes) hatty taýyp alyp, onda kórsetilgen meken-jaı óziniń týǵan aýyly ekenin baıqap qalady. Sonymen qatar aýylynda hat ıesimen famılııasy birdeı qarııa turatyny esine túsedi.
Sóıtip, 87 jastaǵy Klemmı Koýl (Clemmie Cole) qarııa 80 jyldan keıin aǵasynyń hatyn tapsyryp alǵan. «Aǵamnyń hatyn oqyp qatty tolqydym...» dep jylap turyp suhbat bergen eken aqsaqal jergilikti jýrnalısterge.
