Koronavırýs ınfeksııasyn juqtyrǵan 8 adam PTR ádisimen anyqtaldy, olar bir otbasynyń músheleri. Bul azamattar Jitiqara qalasynda ár túrli mekenjaıda turady. Olar buǵan deıin vırýsty juqtyrǵan pasıentpen jaqyn baılanysta bolǵan. Indetti juqtyrǵandar — 1962 jylǵy er adam, 1942, 1966, 1977, 1970 jylǵy áıel adamdar, 1999, 2002 jylǵy qyzdar jáne 2005 jylǵy oqýshy qyz.
Sondaı-aq, sol kúni koronavırýs ınfeksııasy 21 jastan 58 jasqa deıingi 7 áıel adamda jáne 1 er adamda rastaldy. Úsheýi profılaktıkalyq tekserý kezinde, qalǵandary vırýsty juqtyrǵan pasıenttermen jaqyn baılanysta bolǵan. PTR dıagnostıkalyq zertteý nátıjeleri boıynsha bárinen de COVID-19 vırýsy tabyldy. Pasıentter juqpaly aýrýlar stasıonaryna jatqyzyldy.
29 mamyrda Jitiqara qalasynda jáne Denısov aýdanynda koronavırýs ınfeksııasyn juqtyrǵan 13 adam tirkeldi. Olar — 12 er adam jáne bir áıel, barlyǵy vırýsty juqtyrǵan adamdarmen baılanysta bolýy boıynsha esepke alynyp, PTR zertteý boıynsha vırýsty juqtyrǵany anyqtaldy.
Naýqastarmen baılanys jasaǵan adamdar anyqtalýda, barlyǵy medısınalyq baqylaýǵa alynady. Aýrý oshaqtarynda dezınfeksııalyq jumystar júrgizilip jatyr. Epıdemııaǵa qarsy is-sharalar jalǵasady.
29.05.2020 jylǵy jaǵdaı boıynsha oblysta COVID-19 ınfeksııamen jalpy 165 adam anyqtalǵan, olardyń 64-i jazylyp shyqqan.
