«Lınkolnnyń jáne Ekinshi dúnıejúzilik soǵys jaýyngerleri qurmetine turǵyzylǵan eskertkishterdiń qulatylýy sózsiz ishki terrorıstik sıpattyń kórinisi. Árıne, Djordj Floıdtyń qazasy jaıly aıtar bolsam, barlyq is ádil zań sheńberinde sheshileri haq. Beıbit mıtıngini paıdalanyp qaraqshylyq kórinisterdiń qylań berýi qarapaıym buqaraǵa paıda ákelmeıdi. Sondyqtan eldegi bundaı keleńsizdiktermen kúresetin bolamyz. О́ıtkeni, el ishinde paıda bolǵan narazylyqty anarhıster men kásibı tonaýshylar óz múddesine paıdalanbaqshy. Ásirese, AQSh-taǵy fashıstik áreketterge qarsy («Antıfa» t.b) uıymdar áreketin quptaýǵa bolmaıdy. Keıbir shtat gýbernatorlary turǵyndardyń qaýipsizdigin tolyq qorǵaı almaýda. Eldegi berekesizdikti toqtatý úshin kúshtik qurylymdardyń qýatyna júginýge týra keledi. Egerde bázbir shtattardaǵy jaǵdaı turaqtanbasa, ol jerge AQSh qarýly kúshin ornalastyrý arqyly beıbitshilikti saqtaýǵa májbúr bolamyz» dedi prezıdent.
Kúshtik qurylymdardy el ishindegi berekesizdikti basýǵa paıdalaný úshin prezıdent 1807 jylǵy «Ereýil týraly» zańdy basshylyqqa alýy tıis deıdi zańger-saıasatkerler. Atalysh zań buǵan deıin 1968 jyly Martın Lıýter Kıng óltirilgennen keıingi jaǵdaıǵa jáne 1992 jyly Los-Anjelestegi ereýildi toqtatýǵa paıdalanypty.
