Alty aı boıy Qazaqstan Qarýly Kúshteriniń oqý ortalyqtaryna shaqyrtylǵan áskerı qyzmetshiler birqatar mamandyqtar boıynsha oqydy. Olar baılanys mamany, pýlemetshi, zeńbirek komandıri, mınomet komandıri, topografııalyq túsirilim komandıri, eseptop komandıri, brondy tehnıkalardyń mehanık – júrgizýshisi jáne júrgizýshi mamandyqtaryn oqydy.
Kishi mamandardy daıarlaý boıynsha oqý ortalyqtarynyń túlekteri dene daıarlyǵy, memlekettik-quqyqtyq jáne jaýyngerlik daıyndyq boıynsha emtıhandar tapsyryp, kýrsty aıaqtaǵany týraly sertıfıkattar aldy.
- Áskerı bólimge kelgennen keıin, mamandar kásibı daıarlyqqa daıyndyq boıynsha test tapsyryp, jaqsy bilim deńgeıleri men mashyqtyǵyn kórsetti. Bolashaqta biz osy kórsetkishterdi arttyryp, jaqsartýǵa maqsat qoıyp otyrmyz, - dedi maıor teńiz jaıaý áskeri brıgadasynyń tárbıe jáne ıdeologııalyq jumystary jónindegi orynbasary maıor Erlan Nýralın.
Barlyq is-sharalar barlyq sanıtarlyq-epıdemıologııalyq talaptarǵa sáıkes ótkizildi.
