Munda búginde jastar erikti bolýdyń qyr-syryn úırenýde. Jastar bastamalarynyń ortalyǵynda eriktilerdiń jumysyn úılestirýge arnalǵan alań bar jáne front-ofıs jumys isteıdi. Munda óńirdegi jastar saıasatynyń negizgi baǵyttary boıynsha keńester berý jumystary júrgizilýde. Ortalyqta 60 adamǵa arnalǵan bólme, kıno zaly, jastardyń bos ýaqytyn tıimdi paıdalaný orny jáne jastarǵa qyzmet kórsetý ortalyǵy jumys isteıdi. Kezdesý barysynda B.Saparbaev karantın kezinde «Biz birgemiz» uranymen muqtaj jandarǵa azyq-túlik sebetterin jetkizýge atsalysqan eriktilerge alǵysyn bildirdi.
Sonymen qatar B.Saparbaev ınklıýzıvti balalar oıyn alańshasyn da kórdi. Atalǵan oıyn alańshasynyń qurylysy «Dara» qaıyrymdylyq qorynyń qoldaýymen júrgizilgen. Inklıýzıvti oıyn alańshasynyń barlyq komponentteri ámbebap dızaınmen úılesim tapqan jáne otandyq óndirýshilerdiń kedergisiz orta talaptaryn eskere otyryp arnaıy ázirlengen. Jańa alańnyń oıyn elementteri – karýsel, qumsalǵysh, tóbeshik, ınteraktıvti panelder jáne ózge de kóptegen elementter barlyq balalar úshin ońtaıly jobalanǵan. Inklıýzıvti alań balalardyń birge ýaqyt ótkizip, olardyń belsendi damýyna oń áserin tıgizedi. Oıyn alańy qalanyń ashyq aýmaǵynda ornalasqan. Bul qala turǵyndarynyń, ásirese erekshe qajettilikteri bar balalardyń jalpyǵa qoljetimdi orynda bos ýaqyttaryn ótkizýge múmkindik beredi. Sondaı-aq atalǵan alań balalardyń damý erekshelikteri men olardyń qajettilikterin eskere otyryp, qalalyq ınfraqurylymdy jaqsartýdyń úlgisi retinde salynǵan.
Sonymen qatar B.Saparbaev Taraz qalasy, «Qarataý». (2) shaǵyn aýdanyndaǵy balalar oıyny alańy jáne sporttyq kesheninde de boldy. Atalǵan alańdardy «Meniń elim» baǵdarlamasy aıasynda «Samruk-Kazyna Trust» áleýmettik jobalardy damytý qory ornatqan. Ámbebap alańdardy ornatýdaǵy maqsat – halyqtyń salamatty ómir saltyn qalyptastyrý jáne olardyń bos ýaqytyn tıimdi uıymdastyrý. Ashylǵan alańdar turǵyndarǵa, ásirese jas urpaqtyń óz áleýetin iske asyrýǵa jáne jańa bıikterdi baǵyndyrýǵa serpin beredi. Sol sııaqty oblys ákimi Taraz qalasy ákimdigi bilim bóliminiń múmkindigi shekteýli balalarǵa arnalǵan №2 psıhologııalyq-pedagogıkalyq túzetý ortalyǵyna da bardy. Atalǵan nysan «Qazaqstanda ár alýan, biraq teń ınklıýzıvti qoǵam qurý!» jobasy aıasynda erekshe bilim berýdi qajet etetin balalarǵa jáne olardyń otbasylaryna tıimdi kómek kórsetý maqsatynda «Dara» qaıyrymdylyq qorynyń demeýshiligimen aǵymdaǵy jóndeýden ótkizilgen. Sonymen qatar psıhologııalyq-pedagogıkalyq túzetý kabıneti ashylyp, mekeme qajetti qural-jabdyqtarmen qamtamasyz etilgen. Kabınetterde balalar úshin defektolog, logoped muǵalimderi, pedagog-psıholog mamandary, sýrdopedagog, áleýmettik pedagog, medbıke-massajshy, ádiskerler jáne ózge de mamandar qyzmet etedi. Aldaǵy ýaqytta Taraz qalasyndaǵy «Jaılaý» (3), «Saltanat» (4), «Talas» (6), «Samal» (7), «Alataý» (8) shaǵyn aýdandarynda turatyn, qazirgi ýaqytta №1 psıhologııalyq-pedagogıkalyq túzeý kabınetine baryp júrgen 150 balaǵa qyzmet kórsetiletin bolady.
Jambyl oblysy
