Aımaqtar • 04 Maýsym, 2020

Jambylda 383 túlek «Altyn belgi», 366 oqýshy «Úzdik attestat» ıegeri atandy

730 ret

kórsetildi

1 mın

oqý úshin

Bıylǵy jyl mektep túlekteri úshin este qalatyn erekshe jyl boldy. Búgin Jambyl oblysyndaǵy barlyq bilim berý oshaqtarynda kúsheıtilgen sanıtarııalyq-dezınfeksııalyq rejımmen, bekitilgen tártipte mektep túlekterine saltanatty túrde attestat tapsyrý rásimi ótti. Sonymen qatar óńirdegi barlyq mektepte sońǵy qońyraý soǵyldy.

Hamıt ESAMAN

Jambylda 383 túlek «Altyn belgi», 366 oqýshy «Úzdik attestat» ıegeri atandy

Bıyl Jambyl oblysy boıynsha 9171 túlek mektep bitirip otyr. Sondaı-aq 383 mektep túlegi «Altyn belgi» jáne 366 oqýshy «Úzdik attestat» ıegeri atandy. Merekelik shara tıisti mektep qabyrǵasynda, ashyq aspan astynda ótti.

Jıyn tek mektep bitirýshiler men ata-analardyń qatysýymen ǵana jáne barlyq sanıtarlyq talaptardy saqtaı otyryp uıymdastyryldy. Qatysýshy túlekter arasynda araqashyqtyq, maskalyq rejım jáne qatysýshylar sanyn shekteý talaptary da saqtaldy. Sonymen qatar túlekterge mektep bitirý keshterin meıramhanalar men kóńil kóterý oryndarynda toılaýǵa tyıym salynǵan. Budan bólek, olarǵa saltanatty jıynǵa ıvent-agenttikterdi, anımatorlardy shaqyrýǵa, avtokólikterdi jalǵa alyp, qala ishinde qydyrýǵa ruqsat etilmeıdi.

Jambyl oblysy