Onyń aıtýynsha, 1971 jyldyń 2 aqpanynda Irannyń Ramsar qalasynda negizinen sýda júzetin qustardyń mekendeıtin jeri retinde halyqaralyq mańyzy bar sýly-batpaqty jerler týraly Konvensııa nemese Ramsar Konvensııasy qabyldandy. Qazaqstan bul 2007 jyly kúshine endi. Búgingi tańda Qazaqstanda halyqaralyq mańyzy bar sýly-batpaqty alqaptardyń 10 nysany bar, jalpy aýdany 3 281 398 ga.
Ortalyq Azııadaǵy Ramsar konvensııasynyń qaǵıdattaryn ilgeriletý úshin bes el (Qazaqstan, Qyrǵyzstan, Túrkimenstan, О́zbekstan jáne Tájikstan) arasyndaǵy yntymaqtastyq pen ózara is-qımyldy kúsheıtý arqyly 2016 jyly Ortalyq Azııanyń Ramsar óńirlik bastamasy quryldy.
-Úlken aýmaqty ekspress-baǵalaý jumystaryna menimen birge Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasy basshysynyń orynbasary Esenqos Ádilbaev pen Aqtaý qalasynyń hımııa-bıologııa baǵytyndaǵy Nazarbaev Zııatkerlik mektebi dırektorynyń orynbasary Baqytgúl Jaqsylyqova qatysty. Bizge keńestik kezeńnen keıingi keńistiktegi eń bedeldi ǵalym-ornıtologtardyń biri, RRI-OA úılestirý komıtetiniń tóraǵasy, professor Eldar Anverovıch Rýstamov baǵa jetpes konsýltasııalyq kómek kórsetti, bul sol úshin oǵan erekshe alǵys bildiremiz, dedi Ádilbek Qozybaqov.
Eske sala keteıik, aǵymdaǵy jyldyń 3 aqpanynda Nur-sultan qalasynda «Eriktiler jyly» aıasynda Ekologııa boıynsha qaýymdastyqtar men volonterlerdiń slıoti ótti. Mańǵystaýlyq eko-volonter, bıolog Ádilbek Qozybaqov Mańǵystaý oblysy boıynsha «resmı ambassador» bolyp saılanǵan bolatyn.
