О́ndiristik ekologııa ózektiligin joımaı tur

Máselen, byltyr oblystyq qo­ǵamdyq keńestiń sarapshylar toby Úlbi metallýrgııa zaýyty qala she­tin­de ózderiniń qaldyq qoımasyn zań­syz keńeıtip jatqanyn anyq­tady. Osy jaǵdaıǵa baılanysty ási­rese jobanyń jer asty sý­la­ry­na úlken zııan keltiretinin aı­typ, ózim­niń Instagram jáne Facebook paraqshamda jazba jarııaladym. Bul taqyryp qoǵamda rezonans týdyrǵannan keıin «Qazatomóndiris» ulttyq kompanııasy men Ekologııa, geologııa jáne tabıǵı resýrstar mınıstrligi 2020 jyly aqpanda qorshaǵan ortany birlese qorǵaý jónindegi me­morandýmǵa qol qoıdy. Osy kelisimshart aıasynda endi ÚMZ-niń radıoaktıvti qaldyqtary burynǵy Semeı polıgonynyń aýma­ǵyna kómiledi dep kútilýde. Bul – qa­­la turǵyndary úshin jaǵymdy jańalyq.

Jýyqta О́skemen qalalyq ákim­­digi qyzmetkerleri shahardyń Ýshanov alańyndaǵy aǵashtardy kespek bolǵanda ázer degende toqtattyq. Jolǵa ortasha jóndeý ju­mystaryn júrgizbek bolǵan ákim­dik ókilderi turǵyndardyń keli­siminsiz jáne eshqandaı qoǵamdyq tyńdaý ótkizbesten 28 shyrshany alyp tastamaq bolǵan. Bul Eko­lo­gııa­­lyq kodeks talaptaryna qaı­shy keledi. Abyroı bolǵanda, 2016 jyly ótken qoǵamdyq tyńdaýdyń hat­tamasynyń kóshirmesin taýyp­ alyp, áleýmettik jelide post jarııaladym. Ol jıynda jasyl alqaptardy saq­­taý máselesi kóterilgen edi. Ná­tı­jesinde ákimdiktiń josparyna ózgeris engizip, aǵashtardy kesýge jol bermedik.

Bizdiń usynys-bastamamyzdy Ekologııa mınıstrligi únemi quptap, qoldap otyrady. Al jergilikti jerde bul tarapta birshama qıyndyq bar. Kóbi qoldaý tappaı jatady. О́skemende qorshaǵan ortanyń las­taný máselesi áli de ózekti. Ká­sip­oryndar aýaǵa taraıtyn shyǵa­ryndylaryn azaıtqannyń ornyna kó­beıtip jatyr. Zaýyttar bul tarapta júıeli jumys júrgizbeıdi. Meniń kóńilime jaqpaıtyn bir dúnıe, jergilikti ákimdik ókilderi halyqtyń emes, kásiporyndardyń qamyn kóp oılaıdy. Shara qolda­nyp, halyqtyń densaýlyǵyn oıla­ǵannyń ornyna kerisinshe olardy qoldaıdy. Qala turǵyndary da eko­logııalyq máselelerge selqos qa­raıdy. Máseleni ashyq aıtqannan gó­ri syrttaı baqylaǵandy jaqsy kó­redi. Sondyqtan aldaǵy ýaqyt­ta osy baǵyttaǵy oıǵa alǵan jumys­tarymdy jandandyra bersem degen oıym bar. 

Dáýlet ASANOV,

Shyǵys Qazaqstan oblysy boıynsha eko-ambassador

О́SKEMEN