Biraq daıyndyq sharalaryn jasap qoıǵan Japonııa úkimeti 4 jylda bir dúrkin ótetin sport toıyn keıinge qaldyrýdy qalamaıdy. Sol sebepti, olar Olımpıada oıyndaryn erekshe jaǵdaıda, ıaǵnı qysqartylǵan sporttyq baǵdarlamalar saıysy túrinde ótkizýdiń jolyn qarastaryp jatyr. Bul týraly atalǵan eldiń úkimeti eki kún buryn málim etti.
Egerde Olımpıada qysqartylǵan sporttyq baǵdarlar arqyly ótken jaǵdaıda, kórermender sanyna da shekteý qoıylyp, jazǵy oıyndar toıy men paralımpıadanyń ashylý saltanaty burynǵydaı asta-tók bolmaıdy.
Sonymen qatar Olımpıadaǵa qatysýshy sportshylar, jankúıerler, dárigerler, uıymdastyrý isi jáne oıyndar ótetin qalashyq qyzmetkerleri túgeldeı derlik koronavırýstyq tekserýden ótkiziledi.
Joǵaryda aıtylǵan sharalardy HOK qabyldaǵan jaǵdaıda Tokıo-2020 jazǵy XXXII olımpıada toıynyń ashylý saltanaty 2021 jyldyń 23 shildesine josparlanyp otyrǵan kórinedi.
