«Búgingi kúni mınıstrlik óz jumysynda Elbasynyń «Rýhanı jańǵyrý» jáne «Uly dalanyń jeti qyry» maqalalaryn, Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynyń, Qazaqstan Respýblıkasyndaǵy týrızm, tilderdi damytý baǵdarlamalaryn basshylyqqa alady. Elimizdiń Tuńǵysh Prezıdenti – Elbasy Nursultan Ábishuly Nazarbaevtyń «Mádenıeti joǵary, tarıhı tanymy ornyqty, oıy sergek eldiń rýhy da bıik» degen sózin negizge alsaq, mádenıet pen ónerdiń, sport pen týrızmniń el damýyndaǵy, memlekettiń mártebesin arttyrýdaǵy, Táýelsiz Qazaqstandy tanytýdaǵy úlesi orasan ekeni sózsiz», - dedi ol.
Sondaı-aq, ol Mádenıet jáne sport qyzmetkerleriniń ál-aýqatyn arttyrý, mınıstrlik jumysynyń negizgi baǵyttarynyń biri ekenin atap ótti.
«Memleket Basshysynyń Joldaýyn iske asyrý sheńberinde 2020 jyldyń 1 qańtarynan bastap mádenıet jáne óner uıymdary qyzmetkerleriniń jalaqysy respýblıkalyq deńgeıde 50 paıyzǵa, ol orta eseppen alǵanda 96 myńnan 139 myń teńgege deıin, óńirlerde 35 paıyzǵa, sáıkesinshe 96 myńnan 126 myń teńgege deıin ósti. Jalpy, mundaı ósim shamamen 34 myń adamdy qamtydy. Sondaı-aq, 2020 jyldyń basynan bastap kásiptik qyzmetin toqtatqan jáne kásibı eńbek ótili keminde 20 jyl bolatyn balet ártisterine aı saıyn sońǵy 3 jyldyq ortasha jalaqysynyń 60 paıyzǵa deıingi mólsherinde tólemder beriletin boldy», - dedi mınıstr.
