- «Rýhanı Jańǵyrý» baǵdarlamasy aıasynda mınıstrlik elimizdiń kıeli jerleriniń biryńǵaı beldeýin – Qazaqstannyń kıeli jerleriniń geografııasyn qurý boıynsha jumystar atqaryp jatyr. Osy arqyly kıeli jerlerimiz joǵary ulttyq jáne halyqaralyq qyzyǵýshylyq nysandaryna aınaldyrýǵa bolady. Qazaqstannyń barlyq rýhanı qundylyqtaryn, biregeı tarıhı oryndar men tabıǵı eskertkishterdi tolyq bir júıege keltirý boıynsha atqarylǵan aýqymdy jumystyń nátıjesinde jalpyulttyq mańyzy bar – 256 obekt jáne jergilikti mańyzy bar – 575 nysan qalyptastyryldy. Kıeli nysandardy tolyq vızýalızasııalaý qazmaps.kz vırtýaldy karta platformasynda qol jetimdi, - dedi Aqtoty Raıymqulova.
Sondaı-aq ol jyl sońyna deıin «Kıeli Qazaqstan» ensıklopedııasynyń tórtinshi tomynyń tusaýkeserin ótkizý josparda bar ekenin aıtty.
- Tarıh jáne mádenıet eskertkishterindegi ǵylymı-restavrasııalaý jumystaryna arnalǵan shyǵystar bıylǵy jyly 3,5 esege ulǵaıdy. Osynyń nátıjesinde jumys kólemi ulǵaıyp, keshendi jáne nátıjege baǵyttalǵan jumystar qamtamasyz etildi, - dedi mınıstr.
