Rýhanııat • 05 Maýsym, 2020

Qazaqstandyq eki mýzeı TMD-nyń úzdik mýzeıleri qatarynda

470 ret

kórsetildi

1 mın

oqý úshin

Mádenıet jáne sport mınıstri Aqtoty Raıymqulova halyq aldynda esep berý kezdesýinde Nur-Sultandaǵy Ulttyq mýzeı men Almaty qalasyndaǵy Ortalyq memlekettik mýzeı onlaın-týrlar men vırtýaldy ekskýrsııalar boıynsha TMD elderiniń úzdik tarıh jáne mádenıet mýzeıleri reıtıngisinde úzdik bestiktiń qataryna engenin aıtty.

Marjan TILEÝBEK

Qazaqstandyq eki mýzeı TMD-nyń úzdik mýzeıleri qatarynda

- 2019 jyldan bastap «Mýzeıler sherýi» respýblıkalyq aksııasy iske qosylyp, 125 otandyq mýzeıde kelýshilerdiń sany 150 myń adamdy qurady. «Mýzeıdegi tún» aksııasyn ótkizý dástúrge aınalyp otyr. Osy jyly qalyptasqan jaǵdaıǵa baılanysty bul aksııa onlaın-formatta uıymdastyryldy. YouTube arnalary men áleýmettik jelilerdegi akkaýnttar arqyly translıasııany 80 myń adam kórdi, - dedi Aqtoty Raıymqulova.

Sondaı-aq ol «Álem mýzeıi boıynsha Altyn adamnyń sherýi» atty halyqaralyq kórme jobasy úsh jyl ishinde 12 elde bolyp qaıtqanyn atap ótti.

- Qazaqstan Respýblıkasynyń Ulttyq mýzeıi men Almaty qalasyndaǵy Qazaqstan Respýblıkasynyń Ortalyq memlekettik mýzeıi onlaın-týrlar men vırtýaldy ekskýrsııalar boıynsha TMD elderiniń úzdik tarıh jáne mádenıet mýzeıleri reıtıngisinde TOP-5 qataryna endi, - dedi mınıstr.