Qazaqstan • 06 Maýsym, 2020

Prezıdenttiń baspasóz hatshysy Berik Ýálı koronavırýs juqtyrdy

898 ret kórsetildi

Ol bul týraly óziniń Facebook paraqshasynda habarlady.

«О́kinishke qaraı, búgin asa bir jaısyz jańalyqty jarııalaıyn dep otyrmyn. Álemdi aınalyp, elimizdi sharlap ketken koronavırýs indeti menen de tabyldy. Keshe tapsyrǵan test qorytyndysy oń nátıje berdi. Qazir aýrýhanada, dárigerlerdiń qaraýynda jatyrmyn. Jaǵdaıym bir qalypty. Asa alańdaıtyndaı emes. Em qabyldaýdamyn.

Basyn ashyp aıtatyn másele, Prezıdent belgilengen kestege sáıkes jumys istep jatyr. Memleket basshysynyń densaýlyǵyna eshqandaı qaýip tónip turǵan joq. Qasym-Jomart Kemeluly únemi test tapsyryp, qorytyndysyn alyp otyr. Aqordada sanıtarlyq rejım kúsheıtilip, qaýipsizdik sharalary qataıtylǵan», - dep jazdy ol.

Sondaı-aq Berik Ýálı koronavırýstyń baryna senbeıtin azamattar týraly aıtty.

«Osy indet bastalǵaly barlyǵymyz dabyl qaǵyp, saqtanýǵa, dertti juqtyrmaýdyń joldaryn qarastyrýǵa shaqyryp kelemiz. Biraq pandemııaǵa senbeıtin, aýrýdy joq deýshiler azaımaı tur. Ondaıda «Aýyrǵan adamdy kórsetińdershi», «Meniń tanysymnyń birde-biri aýyrǵan joq. Sonda onymen kim aýyryp jatyr?», «Aýyrǵan adamdardyń attaryn nege atamaıdy?» degen sııaqty pikirlerdi jıi estıtinbiz. Mine, men dert juqtyrdym, ony jasyrmaı jarııalap otyrmyn. Mundaǵy maqsat alańsyz júrgen azamattar oılansyn, senbeı júrgen kisilerdiń kózi jetsin degenim. Aýrý bar. Ony juqtyrýshylardyń sany kún saıyn artyp jatyr. Qansha jerden saqtyq sharalaryn qatań saqtap júrsek te, biz de juqtyrdyq. Endi emdelý kerek.

Barshańyzdy ózderińizdiń jáne jaqyndaryńyzdyń densaýlyǵyn saqtaý úshin karantın rejımi men profılaktıkalyq sharalardy ustanýǵa shaqyramyn. Pandemııaǵa jeńil-jelpi qaraýǵa bolmaıdy.Barlyǵyńyzǵa amandyq tileımin!»,- dedi Berik Ýálı.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar