Sheshim halyqaralyq bıatlon federasııasy atqarýshy komıtetiniń ekikúndik vıdeokonferensııasynda talqylanyp, qabyldandy. Bıatlonnan jazǵy álem chempıonaty 19-23 tamyzda Germanııanyń Rýpoldıng qalasynda josparlanǵan bolatyn. Germanııa úkimeti buqaralyq is-shara ótkizýdi 2020 jyldyń 31 tamyzyna deıin tyıym salǵan. Sonyń saldarynan, Germanııa shańǵy sporty federasııasy men Rýpoldıngtegi uıymdastyrý komıteti jarysty ótkizýden bas tartyp, IBU-ǵa jarysty ótkizý quqyǵyn qaıtaryp berdi. IBU álemde bolyp jatqan jaǵdaıdy jiti qadaǵalap jarysty keıinge qaldyrýdy qalaǵanymen, COVID-19 indetiniń órshýine baılanysty dúnıejúzilik birinshilikti ótkizbeýdi eń durys sheshim dep qabyldady.
Al 10-13 qyrkúıekke josparlanǵan IBU kongresi 2020 jyldyń 13-15 qarashasyna qaldyryldy.
